September 03, 2019
September 03, 2019
കൊച്ചി : കൊച്ചി മെട്രോയുടെ മഹാരാജാസ് മുതല് തൈക്കുടം വരെയുള്ള പുതിയ പാതയുടെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. ഹൈബി ഈഡന് എം.പി, കേന്ദ്ര നഗരകാര്യ സഹമന്ത്രി ഹര്ദീപ് സിംഗ് പുരി, മന്ത്രിമാരായ എം.എം മണി, എ.കെ ശശീന്ദ്രന് എന്നിവര് ചടങ്ങില് പങ്കെടുത്തു. മഹാരാജാസ് ഗ്രൗണ്ട് മുതല് തൈക്കൂടം വരെയുള്ള അഞ്ചര കിലോമീറ്റര് പാതയാണ് മുഖ്യമന്ത്രി ഇന്ന് യാത്രക്കാര്ക്കായി തുറന്നുകൊടുത്തത്.
മഹാരാജാസ് കോളേജ് മുതല് തൈക്കുടം വരെയുളള അഞ്ചര കിലോമീറ്റര് മെട്രോ പാതയില് പരിശോധന നടത്തിയ ശേഷം മെട്രോ റെയില് സേഫ്റ്റി കമ്മിഷണറാണ് പുതിയ പാതക്ക് അനുമതി നല്കിയത്. ഉദ്ഘാടനത്തോടനുബന്ധിച്ച് രണ്ടാഴ്ചത്തേക്ക് മെട്രോയുടെ ടിക്കറ്റ് നിരക്കില് 50 ശതമാനം ഇളവ് വരുത്തിയിട്ടുണ്ട്.