August 14, 2020
August 14, 2020
പാങ്ങ് : പാങ്ങ് കെ.എം.സി.സി ജി.സി.സി ടീം കാരുണ്യ പദ്ധതിയായ മര്ഹും പാണക്കാട് സയ്യദ് മുഹമ്മദ് അലി ശിഹാബ് തങ്ങളുടെ പേരില് പാങ്ങിലും പരിസര പ്രദേശങ്ങളിലും സേവനം നടത്തുന്നതിനായി ആധുനിക രീതിയിലുള്ള ആംബുലന്സ് സമര്പ്പണം ഓഗസ്റ്റ് 15 ന് രാവിലെ 7 .30 ന് മുസ്ലിം യൂത്ത് ലീഗ് സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങൾ നാടിന് സമർപ്പിക്കും.
നിലവിലെ കോവിഡ് സാഹചര്യം പരിഗണിച്ചൂ പാണക്കാട് നടക്കുന്ന ലളിതമായ ചടങ്ങിലായിരിക്കും ആംബുലൻസ് നാടിന് സമർപ്പിക്കുകയെന്ന് ഭാരവാഹികൾഅറിയിച്ചു.
അഞ്ചു വർഷത്തിനുള്ളിൽ അമ്പത് ലക്ഷം രൂപയുടെ സാമൂഹിക സാംസകാരിക പ്രവർത്തനങ്ങൾ നടത്തിയ പാങ്ങ് കെഎംസിസി ജിസിസി ടീമിന്റെ അഞ്ചാം വാർഷിക ഉപഹാരമാണ് നാടിന്ന് സമർപ്പിക്കുന്നതെന്നും സംഘാടകർ വാർത്താകുറിപ്പിൽ അറിയിച്ചു. പാങ്ങിലെ വിദേശ രാജ്യങ്ങളിൽ ജോലി തേടിപ്പോയ കെഎംസിസി പ്രവർത്തകരുടെ കൂട്ടായ്മയാണ് പാങ്ങ് കെഎംസിസി ജിസിസി ടീം.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും വാട്സ്ആപ്പിൽ മുടങ്ങാതെ ലഭിക്കാൻ ഈ ലിങ്കിൽ ചേരുക