April 23, 2020
April 23, 2020
കോഴിക്കോട് : കേരളത്തിൽ മാസപ്പിറവി ദൃശ്യമായതിനാൽ നാളെ റമദാൻ വ്രതത്തിന് തുടക്കമാവും. കാപ്പാട് മാസപ്പിറവി കണ്ടതിനാൽ നാളെ റമദാൻ ഒന്നായിരിക്കുമെന്ന് കോഴിക്കോട് ഖാസിമാരായ സയ്യിദ് മുഹമ്മദ് കോയ തങ്ങൾ ജമലുല്ലൈലി, സയ്യിദ് നാസർ ഹയ്യ് ശിഹാബ് തങ്ങൾ പാണക്കാട് എന്നിവരും സയ്യിദ് ഹൈദരലി ശിഹാബ് തങ്ങൾ, സമസ്ത കേരള ജംഇയ്യത്തുൽ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ, സമസ്ത ജനറൽ സെക്രട്ടറി പ്രൊഫ. കെ. ആലിക്കുട്ടി മുസ്ലിയാർ, കാന്തപുരം എ.പി അബൂബക്കര് മുസ്ലിയാര്, പാളയം ഇമാം വി.പി.സുഹൈബ് മൗലവി, ദക്ഷിണ കേരള ജംഇയ്യത്തുൽ ഉലമ ജനറൽ സെക്രട്ടറി തൊടിയൂർ മുഹമ്മദ് കുഞ്ഞ് മൗലവി, വിസ്ഡം ഹിലാൽ വിംഗ് ചെയർമാൻ കെ.അബൂബക്കർ സലഫി എന്നിവരും അറിയിച്ചു.
ഗൾഫ് രാജ്യങ്ങളിൽ ഇന്ന് മാസപ്പിറവി നിരീക്ഷിക്കാൻ വിവിധ മതകാര്യ മന്ത്രാലയങ്ങൾ ആവശ്യപ്പെട്ടിട്ടുണ്ട്.മിക്കവാറും ഗൾഫ് രാജ്യങ്ങളിലും നാളെ റമദാൻ വ്രതത്തിന് തുടക്കമാവുമെന്നാണ് സൂചന.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.