December 05, 2019
December 05, 2019
കുവൈത്ത് സിറ്റി : കത്തിക്കരിഞ്ഞ നിലയില്‍ പ്രവാസി മലയാളിയുടെ മൃതദേഹം കണ്ടെത്തി. 3 വര്‍ഷമായി ഡ്രൈവറായി ജോലി ചെയ്തു വരികയായിരുന്ന ക്ലാപ്പന പ്രയാര്‍ തെക്ക് കാട്ടേത്ത് മോഹന്‍ റോയി(48)യാണ് വെന്തുമരിച്ച നിലയിൽ കണ്ടെത്തിയത്. ഇന്നലെ പുലര്‍ച്ചെ മിനാ അബ്ദുല്ലയില്‍ കത്തിക്കരിഞ്ഞ നിലയില്‍ തിരിച്ചറിയാനാകാത്ത വിധമാണ് മൃതദേഹം കണ്ടെത്തിയത്. സമീപത്തു നിന്നു ലഭിച്ച പഴ്സ് ഉള്‍പ്പെടെയുള്ള വസ്തുക്കളില്‍നിന്നാണ് ആളെ തിരിച്ചറിഞ്ഞത്. അതേസമയം മരണത്തില്‍ ദുരൂഹതയുണ്ടെന്നു ചൂണ്ടിക്കാട്ടി ബന്ധുക്കള്‍ കേന്ദ്ര സഹമന്ത്രി വി.മുരളീധരനു നാട്ടില്‍ പരാതി നല്‍കി.
നവംബര്‍ 25 മുതല്‍ മോഹനെ കാ‍ണാനില്ലെന്നു പരാതിയുണ്ടായിരുന്നു. ഡി‌എന്‍‌എ പരിശോധന ഉള്‍പ്പെടെ പൂര്‍ത്തിയാക്കിയ ശേഷം മൃതദേഹം വിട്ടുനല്‍കും. ഭാര്യ : പ്രീത, മകള്‍: സെഞ്ചല്‍.
