March 14, 2020
March 14, 2020
ദോഹ : കത്താറയിലെ എല്ലാ നിക്ഷേപകരെയും റെസ്റ്റോറന്റുകളുടെയും കഫേകളുടെയും ഉടമകളെയും വാടകയിൽ നിന്നും വൈദ്യുതി, വെള്ളം തുടങ്ങിയ മറ്റ് ഫീസുകളിൽ നിന്നും ഒഴിവാക്കി.കൊറോണ വൈറസിന്റെ വ്യാപനം കുറയ്ക്കുന്നതിനായി കത്താറയുടെ എല്ലാ പ്രവർത്തനങ്ങളും നാളെ മുതൽ രണ്ടാഴ്ചത്തേക്ക് നിർത്തിവയ്ക്കുമെന്ന് അറിയിച്ച സാഹചര്യത്തിലാണ് നടപടി. വാടകയിൽ ഇളവ് നൽകുന്ന കാര്യം കത്താറാ ജനറൽ മാനേജർ ഡോ. ഖാലിദ് ബിൻ ഇബ്രാഹിം അൽ സുലൈതിയാണ് ട്വിറ്ററിൽ അറിയിച്ചത്.
വാടകയും മറ്റ് ഫീസുകളും ഒഴിവാക്കുന്നത് 2020 മാർച്ച് 15 നാളെ മുതൽ നിലവിൽ വരുമെന്നും അദ്ദേഹം അറിയിച്ചു. കൊറോണ വൈറസിന്റെ വ്യാപനം കുറയ്ക്കുന്നതിന് രണ്ടാഴ്ചത്തേക്ക് വീട്ടിൽ നിന്ന് ജോലിചെയ്യാനും ഖത്താറാ തങ്ങളുടെ ജീവനക്കാർക്ക് നിർദേശം നൽകിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
