June 29, 2020
June 29, 2020
തിരുവനന്തപുരം: ജോസ് കെ മാണി വിഭാഗത്തെ യുഡിഎഫില് നിന്ന് പുറത്താക്കി.കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനം ഒഴിയാന് പല തവണ പറഞ്ഞിട്ടും അത് ചെയ്യാത്തതാണു കാരണം.
പല തവണ സമവായചര്ച്ച നടത്തിയിട്ടും വഴങ്ങാന് തയ്യാറായില്ലാത്തതിനാല് മുന്നണിയിലെ ലാഭനഷ്ടം തല്ക്കാലം നോക്കുന്നില്ലെന്നും ജോസ് വിഭാഗത്തെ പുറത്താക്കുകയല്ലാതെ വേറെ വഴിയില്ലെന്നും യുഡിഎഫ് കണ്വീനര് ബെന്നി ബഹനാന് അറിയിച്ചു.
കെ എം മാണിയുടെ മരണശേഷം ഉടനെത്തന്നെ കേരളാ കോണ്ഗ്രസിന്റെ അധ്യക്ഷസ്ഥാനം ആര്ക്ക് എന്നതിനെ ചൊല്ലി വലിയ അധികാരത്തര്ക്കം തുടങ്ങിയിരുന്നു. പാലാ ഉപതെരഞ്ഞെടുപ്പ് നടക്കുമ്പോഴാകട്ടെ തമ്മിലടി ശക്തമായി. വര്ഷങ്ങളോളം യുഡിഎഫ് കയ്യില് വച്ച പാലാ മണ്ഡലം കൈവിട്ടു.
കോട്ടയം ജില്ലാ പഞ്ചായത്തിലെ പദവി മാറ്റത്തെച്ചൊല്ലിയുള്ള തര്ക്കമാണ് ഏറ്റവുമൊടുവില് പൊട്ടിത്തെറിയിലെത്തിയത്. ധാരണ പ്രകാരം ജോസ് പക്ഷം ജില്ലാ പഞ്ചായത്ത് പ്രസിഡന്റ് പദവി ജോസഫ് വിഭാഗത്തിന് കൈമാറേണ്ടതായിരുന്നു. എന്നാല് ജോസ് കെ മാണി അതിന് തയ്യാറാവാത്തതാണ് പൊട്ടിത്തെറിയിൽ കലാശിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക