September 13, 2019
September 13, 2019
ചെന്നൈ : പ്രമുഖ ബിസിനസ് വനിതയും ലാൻസൻ ടൊയോട്ടോ കാറുകളുടെ ചെന്നൈയിലെ വിതരണ കമ്പനിയുടെ സഹഉടമയുമായ റീതാ ലങ്കലിംഗം(49) താമസ സ്ഥലത്ത് തൂങ്ങിമരിച്ചു. ഭർത്താവ് ലങ്കലിംഗം മുരുകേഷിനൊപ്പമാണ് ഇവർ ബിസിനസ് നടത്തിയിരുന്നത്.
ചെന്നൈ കോത്താരി റോഡിലെ വീട്ടിൽ കിടപ്പുമുറിയിലാണ് തൂങ്ങിമരിച്ച നിലയിൽ മൃതദേഹം കണ്ടതെന്ന് പോലീസ് അറിയിച്ചു. പ്രഭാതഭക്ഷണം കഴിക്കാൻ മുറിയിൽ നിന്ന് പുറത്തു വരാത്തതിനെ തുടർന്ന് വീട്ടിലെ ജോലിക്കാരി വാതിൽ തള്ളിത്തുറന്ന് അകത്ത് കടന്നപ്പോഴാണ് മൃതദേഹം കണ്ടെത്തിയത്.മൃതദേഹത്തിനടുത്ത് നിന്ന് ആത്മഹത്യാ കുറിപ്പ് കണ്ടെടുത്തതായും പോലീസ് പറഞ്ഞു.ഇന്നലെ രാവിലെയാണ് സംഭവം.ഇവർ മരിക്കുന്നതിന്റെ തലേ ദിവസം ഭർത്താവ് ലങ്കലിംഗം മുരുകേഷ് വീട്ടിലേക്ക് വന്നിരുന്നില്ലെന്നും ഹോട്ടലിൽ മുറിയെടുത്ത് താമസിച്ചിരുന്നതായും പൊലീസിന് വിവരം ലഭിച്ചിട്ടുണ്ട്.കുടുംബവഴക്കാണ് ആത്മഹത്യക്ക് കാരണമെന്നാണ് പോലീസിന്റെ പ്രാഥമിക നിഗമനം.