December 29, 2018
December 29, 2018
ജിദ്ദ: കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിൽ അഗ്നിബാധയുണ്ടായി. എയർപോർട് കോമ്പൗണ്ടിൽ പ്രവർത്തിക്കുന്ന സ്വകാര്യ കമ്പനി ഗോഡൗണിലാണ് തീപിടുത്തമുണ്ടായത്. സിവിൽ ഡിഫൻസ് യൂണിറ്റുകളും എയർപോർട്ടിലെ അഗ്നിശമന സേനാ വിഭാഗവും ചേർന്ന് മണിക്കൂറുകൾ നീണ്ട പരിശ്രമങ്ങൾക്ക് ശേഷമാണ് തീയണച്ചത്. അതേസമയം അപകടത്തെ തുടർന്ന് വിമാനത്താവളത്തിലെ വിമാന സർവീസുകൾക്ക് കാലതാമസം നേരിടുകയോ വിമാനങ്ങൾ മുടങ്ങുകയോ ചെയ്തിട്ടില്ലെന്ന് വിമാനത്താവളം അധികൃതർ അറിയിച്ചു.
ജിദ്ദ എയർപോർട്ട് ഡയറക്റ്റർ ജനറൽ ഉസാം ഫുവാദ് നൂർ നേരിട്ടെത്തി അഗ്നിശമന പ്രവർത്തനങ്ങൾക്ക് നേതൃത്വം നൽകി.