November 29, 2019
November 29, 2019
ബാഗ്ദാദ് : ഇറാഖ് പ്രധാനമന്ത്രി ആദെൽ അബ്ദുൽ മഹ്ദി ഇന്ന് രാജി സമർപ്പിക്കും. ഇന്ന് തന്നെ പാർലിമെന്റിൽ രാജി സമർപ്പിക്കുമെന്ന് പ്രധാനമന്ത്രി അറിയിച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. കഴിഞ്ഞ ദിവസം സുരക്ഷാ സൈന്യവുമായുണ്ടായ ഏറ്റുമുട്ടലിൽ അമ്പത് പേർ കൊല്ലപ്പെട്ടതിന് പിന്നാലെ ഇന്നു (വെള്ളിയാഴ്ച )വൈകീട്ടോടെയാണ് പ്രധാനമന്ത്രി രാജിസന്നദ്ധത ഔദ്യോഗികമായി പ്രഖ്യാപിച്ചത്.പ്രധാനമന്ത്രിയുടെ ഓഫീസിൽ നിന്നാണ് ഇത് സംബന്ധിച്ച പ്രഖ്യാപനമുണ്ടായത്.
അഴിമതി,തൊഴിലില്ലായ്മ,സർക്കാർ സേവനങ്ങളുടെ അപര്യാപ്തത എന്നിവ ഉന്നയിച്ച് ഒക്ടോബർ ഒന്നിന് ബാഗ്ദാദിൽ ആരംഭിച്ച പ്രക്ഷോഭത്തിൽ ഇതുവരെ 400 ലേറെ പേർ കൊല്ലപ്പെട്ടതായാണ് റിപ്പോർട്ട്.
