September 04, 2019
September 04, 2019
ഇറാന് കൈക്കൊള്ളാനിരിക്കുന്ന നടപടികളുടെ വിശദാംശങ്ങള് പ്രസിഡന്റ് ഉടന് പ്രഖ്യാപിക്കുമെന്നും ജാവേദ് ശരീഫ് അറിയിച്ചു.
തെഹ്റാൻ : പശ്ചിമേഷ്യൻ സംഘർഷം കൂടുതൽ രൂകമാകുമെന്ന സൂചനകൾ നൽകി ഇറാൻ വിദേശകാര്യ മന്ത്രി വീണ്ടും രംഗത്തെത്തി. ആണവ കരാര് വ്യവസ്ഥകളില് നിന്നുള്ള പിന്മാറ്റത്തിന്റെ കൂടുതൽ വിശദാംശങ്ങള് ഉടന് പുറത്തുവിടുമെന്ന് വിദേശകാര്യ മന്ത്രി മുഹമ്മദ് ജാവേദ് ശരീഫ് പ്രഖ്യാപിച്ചു.
ഇറാന് കൈക്കൊള്ളാനിരിക്കുന്ന നടപടികളുടെ വിശദാംശങ്ങള് പ്രസിഡന്റ് ഉടന് പ്രഖ്യാപിക്കുമെന്നും ജാവേദ് ശരീഫ് അറിയിച്ചു. ഇറാനിലെ അര്ധ-ഔദ്യോഗിക വാര്ത്താ ഏജന്സിയായ ഇസ്നയാണ് ശരീഫിന്റെ പ്രസ്താവന പുറത്തുവിട്ടത്. അതേസമയം, പുതിയ നടപടികള് കൈക്കൊള്ളുന്നതു കൊണ്ട് ചര്ച്ചകള് അവസാനിച്ചുവെന്ന് അര്ത്ഥമാക്കുന്നില്ലെന്നും ജാവേദ് ശരീഫ് വ്യക്തമാക്കി.
ഇതിനിടെ, ഇറാന് പൂര്ണമായും ആണവക്കരാറിലെ വ്യവസ്ഥകളിലേക്ക് മടങ്ങുകയാണെങ്കിൽ ഈ വര്ഷം അവസാനം വരെ 15 ബില്യന് ഡോളര് കടമായി നല്കാമെന്ന് ഫ്രാന്സ് ഇറാന് വാഗ്ദാനം നൽകിയതായുള്ള വാർത്തകളും പുറത്തു വരുന്നുണ്ട്. ഫ്രഞ്ച് വിദേശകാര്യ മന്ത്രി ഴാങ് യെവസ് ലെ ഡ്രിയാന് ആണ് ഇറാനുമായി നടത്തുന്ന അനുരഞ്ജന ചര്ച്ചയെ സംബന്ധിച്ച് സൂചന നൽകിയത്.