September 01, 2019
September 01, 2019
കരാറിൽ നിന്ന് പിന്മാറിയ അമേരിക്ക ഏകപക്ഷീയമായ നീക്കം നടത്തിയിട്ടും യൂറോപ്യന്‍ രാജ്യങ്ങൾ തങ്ങളുടെ ഉത്തരവാദിങ്ങള്‍ നിറവേറ്റാത്തത് ദൗർഭാഗ്യകരമാണെന്നും ഹസൻ റൂഹാനി കുറ്റപ്പെടുത്തി.
തെഹ്റാൻ : യൂറോപ്യന്‍ രാജ്യങ്ങള്‍ തങ്ങളുടെ വാഗ്ദാനം നിറവേറ്റിയില്ലെങ്കിൽ തങ്ങള്‍ അടുത്ത ഘട്ടത്തിലേക്കു നീങ്ങുമെന്ന് ഫ്രാന്‍സിന് ഇറാന്റെ മുന്നറിയിപ്പ്. ഫ്രഞ്ച് പ്രസിഡന്റ് ഇമ്മാനുവല്‍ മാക്രോണുമായി നടത്തിയ ഫോൺ സംഭാഷണത്തിലാണ് ഇറാന്‍ പ്രസിഡന്റ് ഹസന്‍ റൂഹാനി ഇക്കാര്യം വ്യക്തമാക്കിയത്.ഇറാനുമായുള്ള പ്രശ്‌നങ്ങള്‍ പരിഹരിച്ച് ആണവ കരാറിനെ സംരക്ഷിക്കാന്‍ മാക്രോണ്‍ ശ്രമം നടത്തുന്നതിനിടെയാണ് ഇറാന്റെ മുന്നറിയിപ്പ്.
യൂറോപ് തങ്ങളുടെ ബാധ്യത നിറവേറ്റിയില്ലെങ്കിൽ ആണവ കരാറിലെ കൂടുതല്‍ വ്യവസ്ഥകൾ ഉപേക്ഷിക്കുന്ന മൂന്നാം ഘട്ടത്തിലേക്ക് ഇറാന്‍ കടക്കും. കരാറിൽ നിന്ന് പിന്മാറിയ അമേരിക്ക ഏകപക്ഷീയമായ നീക്കം നടത്തിയിട്ടും യൂറോപ്യന്‍ രാജ്യങ്ങൾ തങ്ങളുടെ ഉത്തരവാദിങ്ങള്‍ നിറവേറ്റാത്തത് ദൗർഭാഗ്യകരമാണെന്നും ഹസൻ റൂഹാനി കുറ്റപ്പെടുത്തി.കരാറിന്റെ ഭാഗമായ എല്ലാ കക്ഷികളും ഉള്ളടക്കത്തോട് കൂറുപുലര്‍ത്തണമെന്നും റൂഹാനി മാക്രോണിനോട് ആവശ്യപ്പെട്ടു.അതേസമയം,കരാര്‍ വാഗ്ദാനത്തില്‍നിന്നു പിന്നോട്ടുപോയാലും ആവശ്യമെങ്കില്‍ തീരുമാനം പുന:പരിശോധിക്കാന്‍ തയാറാണെന്നും അദ്ദേഹം പറഞ്ഞു.
