November 06, 2019
November 06, 2019
തെഹ്റാൻ : വന്ശക്തികളുമായുള്ള ആണവക്കരാറില് നിന്നുള്ള അഞ്ചാം ഘട്ട പിന്മാറ്റ നടപടികൾ ഇറാൻ പ്രഖ്യാപിച്ചു. ഇതിന്റെ ഭാഗമായി ഖോമിലുള്ള ഫോര്ഡോ ഭൂഗര്ഭ ആണവ പ്ലാന്റിലെ 1044 സെന്ട്രിഫ്യൂഗ് യന്ത്രങ്ങളില് ഇന്നു മുതല് യുറേനിയം വാതകം കടത്തിവിട്ടു തുടങ്ങുമെന്ന് ഇറാന് പ്രസിഡന്റ് ഹസന് റുഹാനി പ്രഖ്യാപിച്ചു. ജൂലൈക്കു ശേഷം യുറേനിയം സമ്പുഷ്ടീകരണത്തിനായി ഇറാന് എടുക്കുന്ന നാലാമത്തെ നടപടിയാണിത്.
മുന് യുഎസ് പ്രസിഡന്റ് ബറാക് ഒബാമ മുന്കൈയെടുത്ത് ഉണ്ടാക്കിയ ആണവക്കരാര് പ്രകാരം പ്രവര്ത്തനരഹിതമാക്കിയ സെന്ട്രിഫ്യൂഗുകളാണ് വീണ്ടും പ്രവര്ത്തിപ്പിക്കുന്നത്. ട്രംപ് ഏകപക്ഷീയമായി കരാറില് നിന്നു പിന്മാറുകയും ഉപരോധം ഏര്പ്പെടുത്തുകയും ചെയ്തതാണ് ഇറാനെ പ്രകോപിപ്പിച്ചത്.