July 29, 2020
July 29, 2020
ദുബായ്: ഇന്ത്യയിലേക്കുള്ള റഫേല്‍ യുദ്ധവിമാനങ്ങള്‍ നിര്‍ത്തിയിരുന്ന ദുബായിലെ അല്‍ ദഫ്രയ്ക്ക് സമീപം ഇറാന്റെ മിസൈലുകള്‍ പതിച്ചതായി റിപ്പോര്‍ട്ട്. ഇറാൻ റെവല്യൂഷണറി സേന നടത്തിയ പരിശീലനത്തിനിടെയാണ് മിസൈലുകള്‍ ഫ്രഞ്ച് നാവികതാവളത്തിന് സമീപം വീണത്.
ചൊവ്വാഴ്ച രാത്രിയിലാണ് ഇന്ത്യയ്ക്കായുള്ള അഞ്ച് റഫേല്‍ വിമാനങ്ങള്‍ ഫ്രാന്‍സില്‍ നിന്നും യു.എ.ഇയിലെ അല്‍ ദഫ്ര ഫ്രഞ്ച് വ്യോമത്താവളത്തിലെത്തിയത്. ഇറാന്റെ മിസൈല്‍ പരീക്ഷണം നടന്നിരിക്കുന്നതും അന്ന് രാത്രിയാണ്. അബുദാബിയില്‍ നിന്നും ഒരു മണിക്കൂറാണ് അല്‍ ദഫ്രയിലേയ്ക്കുള്ള ദൂരം.
അമേരിക്കയുടെ രഹസ്യാന്വേഷണ വിഭാഗം മിസൈലുകളുടെ ദിശമനസ്സിലാക്കി നിമിഷങ്ങള്‍ക്കുള്ളില്‍ വിവരം അല്‍ ദഫ്രയിലും ഖത്തറിലെ അല്‍ ഉദൈദ് വ്യോമത്താവളത്തിലും അറിയിച്ചതായും റിപ്പോര്‍ട്ടില്‍ പറയുന്നു. വ്യോമത്താവളത്തിനടുത്തുള്ള കടലിലാണ് മിസൈലുകള്‍ പതിച്ചത്.സംഭവത്തെ തുടർന്ന് യു.എ.ഇ യിലെയും ഖത്തറിലെയും അമേരിക്കൻ സൈനിക താവളങ്ങളുടെ സുരക്ഷ ശക്തമാക്കിയിട്ടുണ്ട്.
അതേസമയം,യു.എ.ഇ യിൽ നിന്നും പുറപ്പെടുന്ന റഫേൽ വിമാനങ്ങൾ ഇന്നുച്ചയോടെ ഹരിയാനയിലെത്തും.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
