April 14, 2021
April 14, 2021
ദുബായ്: ഇസ്രായേലിന്റെ ഉടമസ്ഥതയിലുള്ള കപ്പൽ യു.എ.ഇയിലെ ഫുജൈറയ്ക്ക് സമീപം ചൊവ്വാഴ്ച ആക്രമിക്കപ്പെട്ടതായി ഇസ്രായേലി മാധ്യമങ്ങൾ റിപ്പോർട്ട് ചെയ്തു.ഇറാനാണ് ആക്രമണത്തിനു പിന്നിലെന്ന് ഇസ്രായേൽ ആരോപിച്ചു.
ഇറാനിലെ നതാൻസ് ആണവ കേന്ദ്രത്തിലുണ്ടായ സ്‌ഫോടനത്തിന് പ്രതികാരം ചെയ്യുമെന്ന് ഇറാൻ പ്രഖ്യാപിച്ചതിന് ശേഷമാണ് കപ്പലിനെതിരെ ആക്രമണമുണ്ടായത്..ആളില്ലാ ഡ്രോണോ മിസൈലോ ഉപയോഗിച്ചാണ് ആക്രമണമണം നടത്തിയതെന്ന് കരുതുന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല, എന്നാൽ കപ്പലിന് കേടുപാടുകൾ സംഭവിച്ചു.നതാൻസ് ആണവ കേന്ദ്രത്തിലുണ്ടായ സ്‌ഫോടനത്തിന് പിന്നിൽ തങ്ങളാണെന്ന് ഇസ്രായേൽ അവകാശപ്പെട്ടിരുന്നു.
കുവൈത്തിൽ നിന്ന് ഫുജൈറ തുറമുഖത്തേക്ക് പോവുകയായിരുന്ന കാറുകൾ വഹിച്ച കപ്പലാണ് ആക്രമിക്കപ്പെട്ടത്. ഞായറാഴ്ചയാണ് ഇറാൻ ഭൂഗർഭ നതാൻസ് ആണവ കേന്ദ്രത്തിന് നേരെ ഇസ്രായേൽ ആക്രമണം നടത്തിയത്.ഇതേതുടർന്ന് റേഡിയോ ആക്ടീവ് വസ്തുക്കൾ പുറത്തുവിടാൻ സാധ്യതയുണ്ടെന്ന് തിങ്കളാഴ്ച യുഎൻ പൊതുസഭയ്ക്ക് അയച്ച കത്തിൽ ഇറാൻ വിദേശകാര്യ മന്ത്രി മുഹമ്മദ് ജവാദ് സരീഫ് ചൂണ്ടിക്കാട്ടിയിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
