December 23, 2019
December 23, 2019
ദോഹ : ഹമദ് തുറമുഖം വഴി രാജ്യത്തേക്ക് കടത്താൻ ശ്രമിച്ച വൻ മയക്കുമരുന്ന് ശേഖരം കസ്റ്റംസ് അധികൃതർ പിടികൂടി. ആഭ്യന്തര മന്ത്രാലയം പ്രസ്താവനയിലാണ് ഇക്കാര്യം അറിയിച്ചത്. നൂറ് കിലോയോളം വരുന്ന ഹഷീഷുമായി അഞ്ച് ഏഷ്യൻ വംശജരാണ് പിടിയിലായത്.
രാജ്യത്തേക്ക് വൻ തോതിൽ മയക്കുമരുന്ന് കടത്താൻ ശ്രമം നടക്കുന്നതായി വിവരം ലഭിച്ചതിനെ തുടർന്ന് ആഭ്യന്തര മന്ത്രാലയത്തിന് കീഴിലെ മയക്കുമരുന്ന് പ്രതിരോധ വിഭാഗം ഇവർക്കായി വല വിരിക്കുകയായിരുന്നു. ഇതിനായി പ്രത്യേക സംഘം രൂപീകരിച്ചു നടത്തിയ പരിശോധനയിലാണ് പ്രതികളെ അറസ്റ്റ് ചെയ്തത്. മാർബിളുമായി പുറത്തുനിന്നും രാജ്യത്തേക്ക് വന്ന കണ്ടയിനറിലാണ് മയക്കുമരുന്ന് ഒളിപ്പിച്ചിരുന്നത്. കണ്ടയിനറുകൾ സൂക്ഷിച്ചിരുന്ന വെയർഹൗസിൽ എത്തിയാണ് സംഘം മയക്കുമരുന്ന് ശേഖരം പിടികൂടിയത്.