April 02, 2020
April 02, 2020
ദോഹ : കോവിഡ് വ്യാപനത്തെ തുടർന്ന് പ്രവർത്തന വിലക്ക് ഏർപെടുത്തിയ ദോഹ ഇൻഡസ്ട്രിയൽ ഏരിയയിലെ നിശ്ചിത ഭാഗങ്ങൾ ഉടൻ തുറക്കില്ലെന്ന് ദേശീയ ദുരന്ത നിവാരണ സമിതി ഔദ്യോഗിക വക്താവ് ലുൽവ അൽ ഖാതിർ അറിയിച്ചു.അതേസമയം ഭക്ഷ്യോൽപന്നങ്ങളുടെയും ഫാർമസി ഉത്പന്നങ്ങളുടെയും വിതരണം തുടർന്നും അനുവദിക്കും. കോവിഡിനെതിരായ മുകരുതൽ നടപടികളുടെ ഭാഗമായാണ് നിരോധനം തുടരുന്നതെന്നും അവർ പറഞ്ഞു.
അടിയന്തര ചികിത്സകൾക്കും മറ്റുമായി ഇൻഡസ്ട്രിയൽ ഏരിയയിലെ മൂന്ന് ക്ലിനിക്കുകൾ തുറന്ന് പ്രവർത്തിക്കും. രണ്ടാഴ്ച മുമ്പാണ് ഇൻഡസ്ട്രിയൽ ഏരിയയിലെ സ്ട്രീറ്റ് നമ്പർ ഒന്നു മുതൽ 32 വരെയുള്ള ഭാഗങ്ങൾ പൂർണമായും അടച്ചു പൂട്ടിയത്.ഈ ഭാഗങ്ങളിൽ അണുവിമുക്തി നടത്തിയതായും അധികൃതർ അറിയിച്ചിരുന്നു. ഈ ഭാഗങ്ങളിൽ താമസിച്ചിരുന്ന നിരവധി ഏഷ്യൻ വംശജരിൽ കോവിഡ് ബാധ സ്ഥിരീകരിച്ച സാഹചര്യത്തിലാണ് രോഗം കൂടുതൽ പേരിലേക്ക് പകരാതിരിക്കാൻ അധികൃതർ അടിയന്തര നടപടികൾ സ്വീകരിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.