April 12, 2020
April 12, 2020
ദോഹ : കൊറോണാ വ്യാപനത്തിന്റെ പശ്ചാത്തലത്തിൽ ആവശ്യമായ സഹായങ്ങളെത്തിക്കാൻ എല്ലാ ഇന്ത്യക്കാരും ഉറ്റക്കെട്ടായി നിൽക്കണമെന്ന് ഖത്തറിലെ ഇന്ത്യൻ എംബസി ആവശ്യപ്പെട്ടു. ട്വിറ്ററിലാണ് എംബസി അധികൃതര് രാജ്യത്തെ പ്രവാസി ഇന്ത്യക്കാരോട് ഇക്കാര്യം ആവശ്യപ്പെട്ടത്.
നിലവിലെ പ്രതിസന്ധി മറികടക്കാൻ ഒരുമിച്ചു നിൽക്കണം. മറ്റുള്ളവർക്ക് സഹായമെത്തിക്കുന്നതിൽ ഏതെങ്കിലും തരത്തിലുള്ള ഇടുങ്ങിയ ചിന്താഗതികളോ
മുൻധാരണകളോ വെച്ചുപുലർത്തരുതെന്നും എംബസി ആവശ്യപ്പെട്ടു.അതേസമയം,തങ്ങളെ നാട്ടിലെത്തിക്കാൻ സഹായിക്കണമെന്നും വിമാന സർവീസ് ഏർപ്പെടുത്തണമെന്നും നിരവധി പേരാണ് ട്വിറ്ററിൽ എംബസിയോട് ആവശ്യപ്പെടുന്നത്. എന്നാൽ ഇക്കാര്യത്തിൽ തീരുമാനമെടുക്കേണ്ടത് ഇന്ത്യയിലെയും ഖത്തറിലെയും ബന്ധപ്പെട്ട അധികൃതരാണെന്നും ഇക്കാര്യത്തിൽ തീരുമാനമുണ്ടാകുന്നത് വരെ കാത്തിരിക്കണമെന്നും ഖത്തറിലെ ഇന്ത്യൻ എംബസി കഴിഞ്ഞ ദിവസം ട്വീറ്റ് ചെയ്തിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.