March 19, 2020
March 19, 2020
ദോഹ : കൊറോണ വൈറസ് വ്യാപനം തടയുന്നതിന്റെ ഭാഗമായി രാജ്യാന്തര വിമാനങ്ങൾ മാർച്ച് 22 മുതൽ ഒരാഴ്ചത്തേക്ക് ഇന്ത്യയിൽ ഇറക്കില്ലെന്ന് കേന്ദ്ര സർക്കാർ അറിയിച്ചു. കേന്ദ്ര ആരോഗ്യമന്ത്രി അൽപം മുമ്പ് വിളിച്ചു ചേർത്ത വാർത്താ സമ്മേളനത്തിലാണ് ഇക്കാര്യം അറിയിച്ചത്.നിലവിൽ ഖത്തർ ഉൾപെടെ പല ഗൾഫ് രാജ്യങ്ങളിൽ നിന്നും ഇന്ത്യയിലേക്ക് ചുരുക്കം ചില വിമാനക്കമ്പനികൾ സർവീസ് നടത്തുന്നുണ്ട്. ഖത്തറിൽ നിന്ന് ഖത്തർ എയർവേയ്സ് മാത്രമാണ് കേരളത്തിലേക്ക് സർവീസ് നടത്തുന്നത്. എന്നാൽ ഞായറാഴ്ച മുതൽ ഇതും നിലക്കും. ഇതോടെ,വിവിധ രാജ്യങ്ങളിൽ കുടുങ്ങിക്കിടക്കുന്ന ഇന്ത്യക്കാരുടെ തിരിച്ചു വരവും വൈകും.
ഇതിനിടെ, കോവിഡ്–19 ബാധിച്ച് ഇന്ത്യയിൽ നാലാം മരണം റിപ്പോർട്ട് ചെയ്തു. പഞ്ചാബ് സ്വദേശിയായ 70കാരനാണ് മരിച്ചത്. ജർമനിയിൽ നിന്ന് ഇറ്റലി വഴി ഡൽഹിയിൽ എത്തിയ ആളാണ് മരിച്ചത്. നേരത്തേ മരിച്ച മൂന്നുപേർ ഡൽഹി, കർണാടക, മഹാരാഷ്ട്ര എന്നീ സംസ്ഥാനങ്ങളിൽനിന്നുള്ളവരായിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.