Breaking News
വടകര കക്കട്ടിൽ സ്വദേശിയെ ഒമാനിൽ മരിച്ച നിലയിൽ കണ്ടെത്തി  | ഗാർഹിക തൊഴിലാളികൾക്ക് കുവൈത്തിലേക്ക് തിരിച്ചുവരാൻ അനുമതി  | ഫ്രഞ്ച് മൂല്യങ്ങളുടെ ചാര്‍ട്ടറില്‍ ഒപ്പിടാന്‍ ഫ്രാന്‍സിലെ മുസ്‌ലിങ്ങള്‍ക്കുമേല്‍ സര്‍ക്കാറിന്റെ സമ്മര്‍ദ്ദം; മുസ്‌ലിങ്ങളോടുള്ള വിവേചനമെന്ന് ആരോപണം | അമേരിക്ക തങ്ങളെ ആക്രമിച്ചാൽ പകരം യു.എ.ഇയെ ആക്രമിക്കുമെന്ന് ഇറാൻ  | ഫൈവ് സ്റ്റാര്‍ കൊവിഡ് സുരക്ഷാ റേറ്റിങ് നേടുന്ന ഏഷ്യയിലെ ആദ്യ വിമാനത്താവളമായി ഖത്തറിലെ ഹമദ് അന്താരാഷ്ട്ര വിമാനത്താവളം | ഖത്തറില്‍ കൊവിഡ് ബാധിച്ച് ഒരാള്‍ കൂടി മരിച്ചു; ഇന്ന് രോഗം സ്ഥിരീകരിച്ചത് 168 പേര്‍ക്ക്; 150 പേര്‍ക്കും സമ്പര്‍ക്കത്തിലൂടെ | ഖത്തറിൽ ഇനി പരിസ്ഥിതി സൗഹൃദ വാഹനങ്ങള്‍, നിരവധി കരാറുകളില്‍ ഒപ്പുവച്ചു | പ്രവാസികൾക്ക് ഇലക്ട്രോണിക് വോട്ട്,തയാറെടുപ്പുകൾ പൂർത്തിയായതായി കേന്ദ്ര തെരഞ്ഞെടുപ്പ് കമ്മീഷൻ  | ഒമാനിലെ നിസ്‌വയിൽ പക്ഷാഘാതത്തെ തുടർന്ന് മലയാളി നിര്യാതനായി | കോവിഡ്,സൗദിയിൽ രണ്ട് മലയാളികൾ മരിച്ചു  |
സൗദി മലയാളികൾക്ക് സന്തോഷ വാർത്ത,ഇന്ത്യയിൽ നിന്നുള്ള വിമാനവിലക്ക് പിൻവലിക്കാൻ തീരുമാനം 

November 19, 2020

November 19, 2020

ജിദ്ദ : ഇന്ത്യയിൽ നിന്ന് സൗദിയിലേക്കുള്ള വിമാന വിലക്ക് ഘട്ടം ഘട്ടമായി പിൻവലിക്കാൻ തീരുമാനിച്ചു.ഇതിന്റെ ആദ്യപടിയായി ഇന്ത്യയിൽ നിന്നുള്ള ആരോഗ്യപ്രവർത്തകർക്കും അവരുടെ കുടുംബങ്ങൾക്കും സൗദിയിലേക്ക് വരുന്നതിനുള്ള വിലക്ക് പിൻവലിച്ചു.ഇതുസംബന്ധിച്ച സർക്കുലർ സൗദി സിവിൽ ഏവിയേഷൻ അതോറിറ്റി അല്പം മുമ്പ് പുറത്തിറക്കി.

ഇന്ത്യ,അർജന്റീന,ബ്രസീൽ എന്നിവിടങ്ങളിൽ നിന്നുള്ളവർക്ക് സൗദിയിലേക്ക് നേരിട്ടുള്ള യാത്ര നിർത്തിവെച്ചതിനെ തുടർന്ന് മലയാളികളായ നേഴ്‌സുമാർ ഉൾപ്പെടെയുള്ളവരുടെ മടക്കയാത്ര മുടങ്ങിയിരുന്നു. പുതിയ ഉത്തരവിനെ തുടർന്ന് ഉടൻ തന്നെ ഇന്ത്യയിൽ നിന്ന് സൗദിയിലേക്ക് നേരിട്ടുള്ള വിമാന സർവീസുകൾ ആരംഭിക്കും.

സൗദി – ഇന്ത്യ വിമാന സര്‍വ്വീസുകള്‍ പുനരാരംഭിക്കുന്ന കാര്യത്തില്‍ ഇന്ത്യന്‍ എംബസി ഇടപെടലുകള്‍ ശക്തമാക്കിയിരുന്നു.. ഇതിന്റെ ഭാഗമായി സൗദിയിലെ ജനറല്‍ അതോറിറ്റി ഓഫ് സിവില്‍ ഏവിയേഷന്‍ അധികൃതരുമായി എംബസി അധികൃതർ ഇന്നും ചര്‍ച്ച നടത്തിയിരുന്നു.. ചര്‍ച്ചകള്‍ പുരോഗമിച്ച്‌ വരികയാണെന്നും ശുഭപ്രതീക്ഷയുണ്ടെന്നും ചർച്ചക്ക് ശേഷം എംബസി അധികൃതർ അറിയിച്ചിരുന്നു.
കോവിഡ് വ്യാപനത്തെ തുടര്‍ന്ന് നിർത്തിവെച്ച അന്തര്‍ദേശീയ വിമാന സര്‍വ്വീസുകളില്‍ പലതും ഇതിനോടകം തന്നെ സൗദി അറേബ്യ പുനരാരംഭിച്ചിട്ടുണ്ട്. എന്നാല്‍ ഇന്ത്യയില്‍ കോവിഡ് വ്യാപനം കൂടുതലാണെന്ന കാരണത്താല്‍ സൗദിയിലേക്കുളള വിമാന സര്‍വ്വീസിന് ഇത് വരെ അനുമതി ലഭിച്ചിരുന്നില്ല.
നിരവധി ഇന്ത്യന്‍ പ്രവാസികളെയാണ് ഇത് പ്രതികൂലമായി ബാധിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News