January 13, 2021
January 13, 2021
ദോഹ: കൊവിഡ്-19 പ്രതിരോധ വാക്സിന് നല്കുന്നതില് നിന്ന് ഒഴിവാക്കുന്നവര്ക്കുള്ള മാനദണ്ഡം സംബന്ധിച്ച് സോഷ്യല് മീഡിയയില് പ്രചരിക്കുന്ന ചിത്രം വ്യാജമാണെന്ന് ഖത്തര് പൊതുജനാരോഗ്യ മന്ത്രാലയം. 16 വയസും അതില് കൂടുതലും പ്രായമുള്ളവര്ക്കും ഫൈസര്-ബയോണ്ടെക് വാക്സിന് സ്വീകരിക്കാമെന്നും ഏതെങ്കിലും തരത്തിലുള്ള അലര്ജിയുള്ളവര്ക്കും മാറാരോഗങ്ങള് ഉള്ളവര്ക്കുമാണ് വാക്സിന് നല്കുന്നതിന് തടസമുള്ളതെന്നും മന്ത്രാലയം ആവര്ത്തിച്ചു.
സോഷ്യല് മീഡിയയില് പ്രചരിക്കുന്ന ചിത്രത്തിലെ വിവരങ്ങള് തെറ്റാണെന്നും മന്ത്രാലയം ട്വിറ്ററിലൂടെ വ്യക്തമാക്കി.
വാക്സിന് സംബന്ധിച്ച് ഖത്തറിലെ പൗരന്മാര്ക്കും താമസക്കാര്ക്കും എന്ത് സംശയം ഉണ്ടെങ്കിലും 16000 എന്ന ഹെല്പ്പ്ലൈന് നമ്പറില് വിളിക്കാമെന്നും മന്ത്രാലയം ഓര്മ്മിപ്പിച്ചു.
ഇംഗ്ലീഷിലും അറബിയിലുമായി എഴുതിയ 13 നിബന്ധനകളാണ് പ്രചരിക്കുന്ന വ്യാജ ചിത്രത്തില് ഉള്ളത്. ഇതില് ഏതെങ്കിലും വിഭാഗത്തില് ഉള്പ്പെടുന്നവര് വാക്സിന് സ്വീകരിക്കരുത് എന്നും ചിത്രത്തില് ഉണ്ട്. ഇതില് പറയുന്ന വിവരങ്ങള് തെറ്റാണെന്നാണ് മന്ത്രാലയം ഇപ്പോള് വ്യക്തമാക്കിയിരിക്കുന്നത്.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
തെറ്റായ വിവരങ്ങൾ ഉൾപ്പെടുത്തി
സോഷ്യൽ മീഡിയയിൽ പ്രചരിച്ച ചിത്രം: