May 16, 2020
May 16, 2020
ദോഹ : സ്വദേശത്തേക്ക് മടങ്ങുന്ന കാര്യത്തിൽ ഉറപ്പില്ലെങ്കിൽ അത്തരക്കാർ എംബസിയുടെ പ്രത്യേക ലിങ്ക് വഴി നാട്ടിലേക്ക് പോകാൻ അപേക്ഷിക്കരുതെന്ന് ഖത്തറിലെ ഇന്ത്യൻ എംബസി ഇന്ത്യൻ സമൂഹത്തോട് ആവശ്യപ്പെട്ടു. അടിയന്തര സ്വഭാവത്തിൽ നാട്ടിലേക്ക് മടങ്ങണമെന്നാവശ്യപ്പെട്ട് തക്കതായ കാരണങ്ങൾ കാണിച്ച് അപേക്ഷിക്കുന്നവരിൽ ചിലർ ടിക്കറ്റ് വാങ്ങാൻ ബന്ധപ്പെടുമ്പോൾ തീരുമാനത്തിൽ മാറ്റം വരുത്തുകയാണ്.ഇത് ആശയക്കുഴപ്പമുണ്ടാക്കുന്നതായും അർഹരായ മറ്റു പലരുടെയും അവസരങ്ങൾ ഇല്ലാതാക്കുന്നതായും എംബസി വെള്ളിയാഴ്ച്ച രാത്രി ട്വീറ്റ് ചെയ്തു.
നാട്ടിലേക്ക് മടങ്ങുന്ന കാര്യത്തിൽ ഉറപ്പുള്ളവർ എത്രയും വേഗം രജിസ്റ്റർ ചെയ്യണം. ഓരോ വിമാനവും യാത്ര തിരിക്കുന്നതിന് മുമ്പ് മുഴുവൻ യാത്രക്കാരുടെ അന്തിമ പട്ടിക തയാറാക്കി ഖത്തറിലെ ബന്ധപ്പെട്ട അധികൃതർക്ക് കൈമാറേണ്ടതുണ്ട്. അന്തിമപട്ടിക തയ്യാറാക്കുന്നതിനും യഥാസമയം അനുമതി നേടുന്നതിനും ബുദ്ധിമുട്ടാകാതിരിക്കാൻ രജിസ്‌ട്രേഷൻ നടപടികളുമായി സഹകരിക്കണമെന്നും ഇന്ത്യൻ എംബസി അഭ്യർത്ഥിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
