August 07, 2020
August 07, 2020
ഇടുക്കി : മൂന്നാര് രാജമലയിലുണ്ടായ ഉരുൾപൊട്ടലിലും മണ്ണിടിച്ചിലിലും എട്ടു പേര് മരിച്ചു.പ്രദേശത്തെ നാല് ലയങ്ങളിലുണ്ടായിരുന്ന എഴുപതോളം പേര് മണ്ണിനടിയില് കുടുങ്ങിക്കിടക്കുന്നതായാണ് സൂചന.ഇരുപതോളം പേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.
നയമക്കാട് എസ്റ്റേറ്റിലെ പെട്ടിമുടി ഡിവിഷനില് ജോലി ചെയ്യുന്ന തൊഴിലാളികളാണ് അപകടത്തില് പെട്ടത്.രക്ഷാപ്രവര്ത്തനത്തിന് സര്ക്കാര് വ്യോമസേനയുടെ സഹായം തേടി.
ഇന്ന് പുലര്ച്ചെ 3 മണിയോടെയാണ് അപകടം നടന്നത്. തൊഴിലാളികള് ഉറങ്ങിക്കിടക്കുമ്പോഴായിരുന്നു അപകടം. 14 പേരെ രക്ഷപ്പെടുത്തിയിട്ടുണ്ട്. നാല് പേരെ ടാറ്റാ ആശുപത്രിയില് പ്രവേശിപ്പിച്ചു. രാജമലയിലെ രക്ഷാപ്രവര്ത്തനം ഊര്ജ്ജിതമാക്കാന് മുഖ്യമന്ത്രി നിര്ദ്ദേശം നല്കി.രക്ഷാപ്രവര്ത്തനങ്ങള്ക്കായി മൂന്നാറില് കണ്ട്രോള് റൂം തുറന്നു. ഫോണ് നമ്പര്:8547613101
എന്ഡിആര്എഫ് സംഘത്തിന് സ്ഥലത്തെത്താന് ഇതുവരെ സാധിച്ചിട്ടില്ല. .രാജമലയില് അപകടത്തില് പെട്ടവരെ രക്ഷിക്കാന് എയര്ലിഫ്റ്റിങ് സാധ്യമല്ലെന്ന് ദേവികുളം സബ്കലക്ടര് പ്രേംകൃഷ്ണന്സ പറഞ്ഞു. മോശം കാലാവസ്ഥയായതിനാല് രക്ഷാ പ്രവര്ത്തനം ദുഷ്കരമാണെന്നും സബ്കലക്ടര് അറിയിച്ചിട്ടുണ്ട്.
കനത്ത മഴ തുടരുന്ന വയനാട് ജില്ലയിലെ പാല്ചുരത്തില് മണ്ണിടിച്ചില്. ചുരത്തിലൂടെയുള്ള ഗതാഗതം പൂര്ണമായും തടസപ്പെട്ടു. ചെകുത്താന് തോടിന് സമീപമാണ് മണ്ണിടിഞ്ഞത്. അതേസമയം, പുഞ്ചിരിമട്ടത്ത് ഉരുള്പൊട്ടിയതായും റിപ്പോര്ട്ടുണ്ട്. സമീപത്തെ ഇരുമ്ബുപാലത്തിന്റെ ഒരു ഭാഗം തകര്ന്നിട്ടുണ്ട്. കണ്ണൂര്- മാനന്തവാടി റോഡിലും മണ്ണിടിച്ചിലുണ്ടായി. രണ്ടു ദിവസമായി അതിതീവ്ര മഴയാണ് ജില്ലയില്.
ന്യൂസ്റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.