Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
തൊഴിലാളികളുടെ ക്ഷേമം,ഖത്തർ മാതൃകയെന്ന് അന്താരാഷ്ട്ര തൊഴിൽ സംഘടന

November 11, 2020

November 11, 2020

ദോഹ : തൊഴില്‍ നിയമങ്ങളില്‍ വരുത്തിയ മാറ്റങ്ങളിലൂടെ ഖത്തര്‍ മറ്റുള്ളവര്‍ക്ക് പിന്തുടരാന്‍ കഴിയുന്ന മാതൃകയായതായി ഇന്റര്‍നാഷണല്‍ ലേബര്‍ ഓര്‍ഗനൈസേഷന്റെ (ഐ.എല്‍.ഒ) അറബ് സ്‌റ്റേറ്റ്‌സ് റിജ്യനല്‍ ഡയറക്ടര്‍ ഡോ. റുബ ജറാദത്. എഴുപത്തി അഞ്ചാമത് ഐക്യരാഷ്ട്രസഭാ ദിനാചരണത്തിന്റെ ഭാഗമായുള്ള വെര്‍ച്വല്‍ യോഗത്തില്‍ സംസാരിക്കുകയായിരുന്നു അവര്‍. വിദേശ തൊഴിലാളികളുടെ അവകാശങ്ങള്‍ സംരക്ഷിക്കാനായി ഖത്തര്‍ സര്‍ക്കാര്‍ രാജ്യത്തെ തൊഴില്‍ നിയമങ്ങള്‍ പരിഷ്‌കരിച്ചു. ദൃഢമായ നടപടികളാണ് ഖത്തര്‍ സ്വീകരിച്ചതെന്നും അവര്‍ പറഞ്ഞു.

കഫാല(സ്‌പോണ്‍ഷര്‍ഷിപ്പ്) സംവിധാനം ഇല്ലാതാക്കല്‍, തൊഴിലാളികളുടെ ക്ഷേമത്തിനായി ഫണ്ട് രൂപീകരിക്കല്‍, വേതന സംരക്ഷണ സംവിധാനം രൂപീകരിക്കല്‍, തൊഴിലിടങ്ങളിലും താമസസ്ഥലങ്ങളിലും തൊഴിലാളികളുടെ ആരോഗ്യവും സംരക്ഷണവും ഉറപ്പുവരുത്താനായി പരിശോധനകള്‍ നടത്താനുള്ള നടപടികള്‍ എന്നിവയെ ഡോ. റുബ ജറാദത് പ്രശംസിച്ചു. കൂടാതെ വേനല്‍ കാലത്ത് തൊഴിലാളികളെ കടുത്ത ചൂടില്‍ നിന്ന് സംരക്ഷിക്കാനായി ഖത്തര്‍ സ്വീകരിച്ച നടപടികളെയും അവര്‍ പ്രത്യേകം അഭിനന്ദിച്ചു.

തൊഴില്‍ അന്തരീക്ഷം വളരെയധികം മെച്ചപ്പെടുത്താന്‍ ഖത്തറിന്റെ നടപടികള്‍ സഹായിച്ചുവെന്നും ഇതിന് ഖത്തറിന് നന്ദി അറിയിക്കുന്നതായും അവര്‍ പറഞ്ഞു. ഖത്തറുമായി കൂടുതല്‍ സഹകരിച്ച് പ്രവര്‍ത്തിക്കാന്‍ കഴിയുമെന്നാണ് ഐ.എല്‍.ഒ പ്രതീക്ഷിക്കുന്നതെന്നും അവര്‍ കൂട്ടിച്ചേര്‍ത്തു.

ഐക്യരാഷ്ട്രസഭയുടെ വിവിധ ഏജന്‍സികളുമായി, പ്രത്യേകിച്ച് ഐ.എല്‍.ഒയുമായുള്ള സജീവ പങ്കാളിത്തമാണ്   തൊഴിലാളികളുടെ ക്ഷേമവുമായി  ബന്ധപ്പെട്ട പ്രവർത്തനങ്ങൾക്ക് തങ്ങളെ സഹായിച്ചത് എന്ന് ഖത്തര്‍ തൊഴില്‍ മന്ത്രാലയത്തിന്റെ അണ്ടര്‍ സെക്രട്ടറി മുഹമ്മദ് ഹസന്‍ അല്‍-ഒബയ്ദ്‌ലി പറഞ്ഞു. കൊവിഡ്-19 ല്‍ നിന്ന് തൊഴിലാളികളെ സംരക്ഷിക്കാനായി സര്‍ക്കാര്‍ നടത്തിയ പ്രവര്‍ത്തനങ്ങളും ബോധവല്‍ക്കരണ പരിപാടികളും അദ്ദേഹം വിശദീകരിച്ചു.  തൊഴിലാളികള്‍ക്ക് ആവശ്യമായ ഭക്ഷ്യവസ്തുക്കള്‍ ഉള്‍പ്പെടെയുള്ള അവശ്യ വസ്തുക്കളും സൗജന്യ ചികിത്സയും നല്‍കിയെന്നും അദ്ദേഹം കൂട്ടിച്ചേര്‍ത്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.


Latest Related News