September 29, 2019
September 29, 2019
Photo : Reuters
സന്ആ: തെക്കുപടിഞ്ഞാറന് സൗദിയിലെ നജ്റാന് അതിര്ത്തിയില് കടന്ന് ആക്രമണം നടത്തിയതായും നിരവധി സൈനിക ഉദ്യോഗസ്ഥരെ പിടികൂടിയതായും ഹൂത്തികള് അവകാശപ്പെട്ടു. ആക്രമണത്തില് മൂന്ന് ശത്രു സൈനിക ബ്രിഗേഡുകള് തകര്ന്നതായി യെമന് ആസ്ഥാനമായുള്ള വിമതരുടെ വക്താവ് പ്രസ്താവനയില് പറഞ്ഞു. 72 മണിക്കൂര് മുമ്പാണ് നജ്റാന് പരിസരത്ത് ആക്രമണം നടത്തിയതെന്നും ഡ്രോണ്, മിസൈല്, വ്യോമ പ്രതിരോധ യൂണിറ്റുകള് ഇതിനായി ഉപയോഗിച്ചുവെന്നും ഹൂതി വക്താവ് പറഞ്ഞു. നൂറുകണക്കിന് കവചിത വാഹനങ്ങളെയും ആയിരക്കണക്കിന് സഊദി സൈനികരെയും പിടിച്ചെടുത്തതായി ഹൂത്തികളുടെ നേതൃത്വത്തിലുള്ള അല് മസിറ ടിവി റിപ്പോര്ട്ട് ചെയ്യുന്നു. അതേസമയം, സൗദി അധികൃതര് ഇക്കാര്യം സ്ഥിരീകരിച്ചിട്ടില്ല.
യെമന്റെ വടക്കന് ഭാഗം നിയന്ത്രിക്കുന്ന ഹൂത്തികള് അടുത്തിടെ സൗദി അറേബ്യയുടെ തെക്കേ അതിര്ത്തിയില് തങ്ങളുടെ ഡ്രോണ്, മിസൈല് ആക്രമണങ്ങള് ശക്തമാക്കിയിരുന്നു. സൗദി അരാംകോക്ക് നേരെ സെപ്റ്റംബര് 14 നുണ്ടായ ഡ്രോണ്, മിസൈല് ആക്രമണത്തിന്റെ ഉത്തരവാദിത്തവും വിമതര് ഏറ്റെടുത്തിരുന്നു.