July 18, 2021
July 18, 2021
മസ്കത്ത് : ഒമാനില് ശക്തമായ മഴ തുടരുന്നു. ജനവാസ കേന്ദ്രങ്ങളില് ജലനിരപ്പ് ഉയരുന്ന സഹചര്യത്തില് ജനങ്ങളെ അഭയ കേന്ദ്രങ്ങളിലേക്ക് മാറ്റുന്ന നടപടിക്രമങ്ങള് തുടങ്ങിയിട്ടുണ്ട്. ഷിനാസ് വിലായത്തില് നിന്നും 75ലധികം ആളുകളെ അഭയ കേന്ദ്രങ്ങളിലേക്ക് സിവില് ഡിഫന്സ് ആന്റ് ആംബുലന്സ് അതോറിറ്റിയുടെ റെസ്ക്യൂ ടീമുകള് മാറ്റിയതായി അറിയിച്ചിട്ടുണ്ട് .
ഒമാനില് ന്യൂനമര്ദ തുടരുമെന്നും ഇന്നും അതിതീവ്ര മഴയ്ക്ക് സാധ്യത ഉള്ളതായും കാലാവസ്ഥാ നിരീക്ഷണ കേന്ദ്രം അറിയിച്ചു. അസാധാരണമായ ഇടിമിന്നല്, കടല്ക്ഷോഭം എന്നിവയില് ജനങ്ങള് അതീവ ജാഗ്രത പുലര്ത്തണമെന്നും ഒമാന് സിവില് ഡിഫന്സ് സമതി മുന്നറിയിപ്പ് നല്കി.
രണ്ടു കുട്ടികള് ഉള്പ്പെടെ മൂന്നു മരണങ്ങളാണ് ഇതുവരെ സ്ഥിരീകരിച്ചത്. വാദികളിലെ ഒഴുക്കില് പെട്ട് നാലു പേരെ കാണാതായി. നിരവിധ പേരെ രക്ഷപ്പെടുത്തി. വെള്ളം കയറിയ സ്ഥലങ്ങളില് നിന്ന് കുടുംബങ്ങളെയും താമസക്കാരെയും സുരക്ഷിത ഇടങ്ങളിലേക്ക് മാറ്റിപാര്പ്പിച്ചു.