April 06, 2021
April 06, 2021
ദോഹ : ഖത്തറിൽ കോവിഡ് പ്രതിരോധ വാക്സിൻ ലഭിക്കുന്നതിന് തൽക്കാലം ഹെൽത്ത്കാർഡ് ആവശ്യമില്ലെന്ന് പൊതുജനാരോഗ്യമന്ത്രാലയം അറിയിച്ചു.മുൻകൂട്ടി ലഭിച്ച അപ്പോയിന്മെന്റ് പ്രകാരം വാക്സിൻ സ്വീകരിക്കാൻ എത്തുമ്പോൾ പകരം, സാധുതയുള്ള ഖത്തർ തിരിച്ചറിയൽ കാർഡ് കാണിച്ചാൽ മതിയാകും.ഇഹ്തിറാസ് ആപ്പിൽ പച്ചയായിരിക്കണമെന്നും നിർബന്ധമുണ്ട്.പച്ച തെളിയാത്തവർക്ക് വാക്സിൻ അനുവദിക്കില്ല.
നിലവിൽ ഹെൽത്ത് കാർഡ് ഇല്ലാത്തവർസർക്കാർ ചികിത്സാ സേവനങ്ങൾ പ്രയോജനപ്പെടുത്താൻ ഉടൻ ഹെൽത്ത് കാർഡിനായി അപേക്ഷിക്കണമെന്നും മന്ത്രാലയം ആവശ്യപ്പെട്ടു.പുതിയ ഹെൽത്ത് കാർഡ് ലഭിക്കുന്നതിന് ഈ ലിങ്ക് വഴിയാണ് അപേക്ഷിക്കേണ്ടത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക