December 19, 2019
December 19, 2019
തെഹ്റാൻ : ക്വലാലംപൂർ ഉച്ചകോടിക്ക് മുന്നോടിയായി ഖത്തർ അമീർ ഷെയ്ഖ് തമീം ബിൻ ഹമദ് അൽതാനി ഇറാൻ പ്രസിഡന്റ് ഹസ്സൻ റൂഹാനിയുമായി കൂടിക്കാഴ്ച നടത്തി. ഖത്തറും ഇറാനും തമ്മിലുള്ള ബന്ധം ശക്തമാക്കേണ്ടതിന്റെ ആവശ്യം ഊന്നിപ്പറഞ്ഞ റൂഹാനി ഏതു സാഹചര്യത്തിലും ഖത്തറിനൊപ്പം ഉറച്ചുനിൽക്കുമെന്നും കൂടിക്കാഴ്ചയിൽ വ്യക്തമാക്കി. ഇറാനുമായുള്ള വാണിജ്യ- സാമ്പത്തിക സഹകരണം വർധിപ്പിക്കണമെന്ന് റൂഹാനി ഖത്തർ അമീറിനോട് ആവശ്യപ്പെട്ടു.
ഇറാനുമായുള്ള സഹകരണത്തിൽ സന്തുഷ്ടി രേഖപ്പെടുത്തിയ ഖത്തർ അമീർ ഇരുരാജ്യങ്ങൾക്കുമിടയിലെ ബന്ധം ശക്തിപ്പെടുത്തേണ്ടതുണ്ടെന്നും റൂഹാനിയെ അറിയിച്ചു. ഉപരോധവുമായി ബന്ധപ്പെട്ട് ഖത്തറിന് നൽകിയ സഹകരണത്തിന് അമീർ നന്ദി അറിയിച്ചു.
ആഗോള മുസ്ലിംകൾ നേരിടുന്ന ഇസ്ലാമോഫോബിയ,ദാരിദ്ര്യം തുടങ്ങിയ വിഷയങ്ങൾ ചർച്ചചെയ്യുന്നതിന് മലേസ്യൻ പ്രസിഡന്റ് ഡോ.മഹാതിർ മുഹമ്മദ് വിളിച്ചുചേർത്ത ഉച്ചകോടിയിൽ പങ്കെടുക്കുന്നതിനായാണ് ഖത്തർ അമീർ ക്വലാലംപൂരിൽ എത്തിയത്.
ഖത്തറിൽ നിന്നും ഗൾഫ് - അറബ് മേഖലയിൽ നിന്നുമുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ ഇതുവരെ ഒരു ഗ്രൂപ്പിലും അംഗങ്ങളാവാത്തവർ +974 66200167 എന്ന വാട്സ് ആപ് നമ്പറിലേക്ക് സന്ദേശം അയക്കുക.