June 06, 2020
June 06, 2020
ദുബായ് : ഖത്തറിനെതിരായ ഉപരോധത്തിൽ നിലപാട് കടുപ്പിച്ച് യു.എ.ഇ വിദേശകാര്യ സഹമന്ത്രി ഡോ.അൻവർ ഗർഗാഷ് രംഗത്തെത്തി. മറ്റു ഗൾഫ് രാജ്യങ്ങളും ഖത്തറും തമ്മിലുള്ള ബന്ധം പഴയ നിലയിലേക്ക് തിരിച്ചു പോകാൻ സാധ്യതയില്ലെന്നാണ് അദ്ദേഹം അഭിപ്രായപ്പെട്ടത്.മൂന്ന് വർഷം പൂർത്തിയാക്കുന്ന ഉപരോധം പരിഗണിക്കപ്പെടേണ്ട വിഷയമല്ലെന്നും ഗൾഫ് ആകെ മാറിയിരിക്കുകയാണെന്നും അദ്ദേഹം ട്വീറ്റ് ചെയ്തു.ഗൾഫ് പ്രതിസന്ധി പരിഹരിക്കപ്പെടാനുള്ള സാധ്യതകൾ വീണ്ടും സജീവമാകുന്നതായുള്ള സൂചനകൾ പുറത്തു വരുന്നതിനിടയിലാണ് അൻവർ ഗാർഗാഷിന്റെ ഇക്കാര്യത്തിലുള്ള നിഷേധാത്മകമായ പ്രതികരണം.
ഗൾഫ് പ്രതിസന്ധിയുടെ കാരണങ്ങളും പ്രതിസന്ധി പരിഹരിക്കുന്നതിനുള്ള മാർഗങ്ങളും എല്ലാവർക്കും അറിയാവുന്നതാണ്. സമയമാവുമ്പോൾ പ്രതിസന്ധി പരിഹരിക്കപ്പെടുമെന്നും ഡോ.അൻവർ ഗർഗാഷ് ട്വിറ്ററിൽ കുറിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
