December 03, 2019
December 03, 2019
ദോഹ : വ്യാഴാഴ്ച നടക്കുന്ന അറേബ്യൻ ഗൾഫ് കപ്പ് സെമി ഫൈനൽ മത്സരം കാണുന്നതിനുള്ള ടിക്കറ്റുകൾ ഇന്ന് (ചൊവ്വ) നാല് മണിമുതൽ വാങ്ങാനാവുമെന്ന് ഖത്തർ ഫുട്ബോൾ അസോസിയേഷൻ ട്വിറ്റർ അക്കൗണ്ടിൽ അറിയിച്ചു. വില്ലാജിയോ മാൾ,മാൾ ഓഫ് ഖത്തർ,ദോഹ ഫെസ്റ്റിവൽ സിറ്റി,സൂഖ് വാഖിഫ്,കത്താറ എന്നീ കേന്ദ്രങ്ങളിൽ നിന്ന് ഇന്ന് വൈകീട്ട് നാല് മണി മുതൽ ടിക്കറ്റുകൾ വാങ്ങാവുന്നതാണ്. ഓൺലൈൻ വഴിയും ടിക്കറ്റുകൾ വാങ്ങാം.
അൽ വക്രയിലെ ജനൂബ് സ്റ്റേഡിയത്തിൽ ഡിസംബർ 5 ന് വ്യാഴാഴ്ച നടക്കുന്ന സെമി ഫൈനൽ മത്സരത്തിൽ ഖത്തറും സൗദി അറേബ്യയും തമ്മിലാണ് മത്സരം. അന്ന് തന്നെ അൽ സദിലെ ജാസിം ബിൻ ഹമദ് സ്റ്റേഡിയത്തിൽ ഇറാഖും ബഹ്റൈനും തമ്മിലാണ് മറ്റൊരു മത്സരം. പുതിയ ഷെഡ്യുൾ അനുസരിച്ച് രണ്ടു മത്സരങ്ങളും രാത്രി എട്ടിനാണ് ആരംഭിക്കുക.
വ്യാഴാഴ്ചത്തെ മത്സരത്തിൽ ജയിക്കുന്ന രണ്ടു ടീമുകൾ തമ്മിൽ ഡിസംബർ 8 ന് ഞായറാഴ്ചയാണ് അന്തിമപോരാട്ടം. ഖലീഫാ രാജ്യാന്തര സ്റ്റേഡിയത്തിലാണ് ഫൈനൽ മത്സരം നടക്കുക.