November 30, 2019
November 30, 2019
ദോഹ : അറേബ്യൻ ഗൾഫ് കപ്പിൽ ഗ്രൂപ് ബിയിൽ ഇന്ന് നടന്ന ആദ്യമത്സരത്തിൽ ഒന്നിനെതിരെ രണ്ടു ഗോളുകൾക്ക് ഒമാൻ കുവൈത്തിനെ പരാജയപ്പെടുത്തി. പതിനാറാം മിനുട്ടിലും മുപ്പത്തിരണ്ടാം മിനുട്ടിലും അബ്ദുൽ അസീസ് അൽ
മുഖ്ബാലിയാണ് ഒമാന് വേണ്ടി രണ്ടു ഗോളുകളും നേടിയത്. എഴുപത്തിയെട്ടാം മിനുട്ടിൽ യൂസഫ് നാസർ കുവൈത്തിന് വേണ്ടി ആദ്യ ഗോൾ വലയിലാക്കി.
സൗദി അറേബ്യയും ബഹ്റൈനും തമ്മിലുള്ള രണ്ടാമത് മത്സരത്തിൽ എതിരില്ലാത്ത രണ്ടു ഗോളുകൾക്ക് സൗദി അറേബ്യ ബഹ്റൈനെ പരാജയപ്പെടുത്തി. ഇരുപത്തിയൊൻപതാം മിനുട്ടിൽ അബ്ദുല്ല അൽ ഹമദാനും അമ്പത്തിയെട്ടാം മിനുട്ടിൽ മുഹമ്മദ് അൽ ഖബ്റാനിയുമാണ് ബഹ്റൈന്റെ ഗോൾവല വിറപ്പിച്ച് വിജയം സ്വന്തമാക്കിയത്.