December 17, 2019
December 17, 2019
ഇസ്ലാമബാദ് : രാജ്യദ്രോഹക്കുറ്റം ചുമത്തി മുന് പട്ടാള മേധാവി ജനറല് പര്വേസ് മുഷറഫിന് പാകിസ്ഥാന് കോടതി വധശിക്ഷ വിധിച്ചു. അറസ്റ്റ് ഭയന്ന് പാകിസ്ഥാന് വിട്ട മുഷറഫ് ഇപ്പോള് രാഷ്ട്രീയ അഭയാർത്ഥിയായി ദുബായിലാണുള്ളത്. 2007 നവംബറില് ഭരണഘടന റദ്ദാക്കി രാജ്യത്ത് അടിയന്തരാവസ്ഥ പ്രഖ്യാപിച്ചതുമായി ബന്ധപ്പെട്ടാണ് മുഷറഫിനെതിരെ രാജ്യദ്രോഹക്കുറ്റം ചുമത്തിയത്. പെഷവാറിലെ പ്രത്യേക കോടതിയാണ് മുഷറഫിന് വധശിക്ഷ വിധിച്ചത്. പെഷവാര് ഹൈക്കോടതി ചീഫ് ജസ്റ്റിസ് വഖാര് അഹമ്മദ് സേഠ് ഉള്പ്പടെയുള്ള മൂന്നംഗ ബെഞ്ചിന്റേതാണ് വിധി.
1999 മുതല് 2008 വരെ പാകിസ്താനില് ഏകാധിപത്യ ഭരണം നയിച്ച ജനറല് പര്വേസ് മുഷ്റഫ് പട്ടാള അട്ടിമറിയിലൂടെയാണ് ഭരണം പിടിച്ചത്.