September 25, 2019
September 25, 2019
ദുബായ് : അബുദാബി-ദുബായ് റോഡിലെ അൽ മഖ്ത പാലത്തിൽ വാഹനങ്ങൾ കൂട്ടിയിടിച്ച് സ്കൂൾ ബസിലുണ്ടായിരുന്ന അഞ്ചു വിദ്യാർഥിനികൾക്ക് പരിക്കേറ്റു. ഇന്ന്(ബുധനാഴ്ച) 9.35 നായിരുന്നു അപകടം.നിസ്സാരമായി പരിക്കേറ്റ വിദ്യാർത്ഥിനികളെ ആശുപത്രിയിൽ പ്രവേശിപ്പിച്ച് ആവശ്യമായ ചികിത്സ നൽകിയ ശേഷം വീട്ടിലേക്ക് പോകാൻ അനുമതി നൽകിയതായി ദുബായ് പോലീസ് അറിയിച്ചു.
പാലത്തിലൂടെ കടന്നു പോകുന്നതിനിടെ സ്കൂൾ വാനും മറ്റൊരു വാഹനവുമായി കൂട്ടിയിടിക്കുകയായിരുന്നു.ഇതേതുടർന്ന് പിന്നാലെ വരികയായിരുന്ന ആറോളം വാഹനങ്ങൾ കൂടി അപകടത്തിൽ പെടുകയായിരുന്നു. നിശ്ചിത അകലം പാലിക്കാതെയുള്ള ഡ്രൈവിങ്ങാണ് അപകടത്തിനിടയാക്കിയതെന്നും ഇക്കാര്യത്തിൽ പ്രത്യേകം ശ്രദ്ധ പുലർത്തണമെന്നും പോലീസ് നിർദേശിച്ചു.പരിക്കേറ്റ കുട്ടികളെ സംബന്ധിച്ച കൂടുതൽ വിവരങ്ങൾ ലഭ്യമല്ല.