October 01, 2019
October 01, 2019
മസ്കത്ത് : ഹിക്ക ചുഴലിക്കൊടുങ്കാറ്റിൽ കടലിൽ ബോട്ട് മറിഞ്ഞു അഞ്ച് ഇന്ത്യക്കാർ മരിച്ചു. കനത്ത ചുഴലിക്കാറ്റിൽ ബോട്ടിന്റെ നിയന്ത്രണം വിട്ട് മറിയുകയായിരുന്നു.അഞ്ച് ഇന്ത്യക്കാരും മൂന്ന് ബംഗ്ലാദേശ് പൗരന്മാരുമാണ് ബോട്ടിലുണ്ടായിരുന്നത്.മരിച്ച ഇന്ത്യക്കാരിൽ മൂന്നു പേരുടെ മൃതദേഹങ്ങൾ കണ്ടെത്തിയിട്ടുണ്ട്.അവശേഷിക്കുന്നവർക്കായി തെരച്ചിൽ തുടരുകയാണ്.മരിച്ചവരിൽ മലയാളികളുണ്ടോ എന്ന് വ്യക്തമല്ല.
ലഭ്യമായ വിവരങ്ങളുടെ അടിസ്ഥാനത്തിൽ മരിച്ച അഞ്ച് പേരും ഇന്ത്യക്കാരാണെന്ന് മസ്കത്തിലെ ഇന്ത്യൻ എംബസി സ്ഥിരീകരിച്ചു.ഇവരുടെ ബന്ധുക്കളുമായി ബന്ധപ്പെടാൻ ശ്രമിച്ചു വരികയാണെന്നും എംബസി അധികൃതർ അറിയിച്ചു.കഴിഞ്ഞ ഏതാനും ദിവസങ്ങളായി ഒമാനിൽ ശക്തമായ കാറ്റും മഴയും തുടരുകയാണ്.ദിവസങ്ങൾക്ക് മുമ്പ് ആഞ്ഞുവീശിയ ഹിക്ക ചുഴലിക്കൊടുങ്കാറ്റ് ഒമാനിൽ കനത്ത നാശനഷ്ടങ്ങൾ ഉണ്ടാക്കിയിരുന്നു.'ഹിക്ക'യെ തുടർന്ന് കടൽ ഇപ്പോഴും പ്രക്ഷുബ്ധമായി തുടരുകയാണ്.
