December 14, 2020
December 14, 2020
ദോഹ: ഖത്തറില്‍ നിര്‍മ്മിച്ച ആദ്യ വൈദ്യുത വാഹനങ്ങള്‍ പരീക്ഷണ ഓട്ടം നടത്തി. ബുഫോണ്ടാസ് ഫ്രീ സോണിലാണ് പരീക്ഷണ ഓട്ടം നടത്തിയത് എന്ന് വാഹനം നിര്‍മ്മിച്ച കമ്പനിയായ ഗോഷ്യന്‍ അറിയിച്ചു.
എ.പി.എം 75 ടി എന്ന ഇലക്ട്രിക് ടെര്‍മിനല്‍ ട്രാക്ടറുകളുടെ ആദ്യ ബാച്ചാണ് പരീക്ഷണ ഓട്ടം നടത്തിയത്. ഹമദ് തുറമുഖത്തിന്റെ ആദ്യ ഘട്ടം കൈകാര്യം ചെയ്യുന്ന ടെര്‍മിനല്‍ ഓപ്പറേറ്റിങ് കമ്പനിയായ ക്യു ടെര്‍മിനല്‍സിനു വേണ്ടിയാണ് ഈ ട്രാക്ടറുകള്‍ നിര്‍മ്മിച്ചത്.
ബുഫോണ്ടാസ് ഫ്രീസോണിലെ ഗോഷ്യന്‍ ഫാക്ടറിയുടെ മുന്നിലാണ് വൈദ്യുത വാഹനങ്ങളുടെ പരീക്ഷണ ഓട്ടം നടത്തിയത്.
ഖത്തര്‍ ഫ്രീ സോണ്‍ അതോറിറ്റി ചെയര്‍മാനും സഹമന്ത്രിയുമായ അഹ്മദ് ബിന്‍ മുഹമ്മദ് അല്‍-സയെദ്, ഫ്രഞ്ച് അംബാസഡര്‍ ഫ്രാങ്ക് ഗെല്ലറ്റ്, ഖത്തര്‍ പോര്‍ട്‌സ് മാനേജ്‌മെന്റ് കമ്പനി (മ്വാനി) സി.ഇ.ഒ ക്യാപ്റ്റന്‍ അബ്ദുള്ള മുഹമ്മദ് അല്‍ ഖാന്‍ജി, അല്‍ അത്തിയ മോട്ടോഴ്‌സ് ആന്‍ഡ് ട്രേഡിങ് കോ ചെയര്‍മാന്‍ അബ്ദുള്‍ അസീസ് അല്‍ അത്തിയ, ഗോഷ്യന്‍ കമ്പനിയുടെ ചീഫ് എക്‌സിക്യുട്ടീവ് ഓഫീസര്‍ ക്രിസ്റ്റോഫ് ഗോഷ്യന്‍, ക്യുടെര്‍മിനല്‍സ് നെവില്‍ ബിസെറ്റ് എന്നിവരുടെ സാന്നിദ്ധ്യത്തിലായിരുന്നു ട്രാക്ടറുകളുടെ പരീക്ഷണ ഓട്ടം.
Also Read: ഖത്തർ ദേശീയ ദിനം; ഡിസംബർ 17 വ്യാഴാഴ്ച ഖത്തറിൽ പൊതു അവധി
സമ്പൂര്‍ണ്ണ വൈദ്യുത വാഹനങ്ങള്‍ ഉപയോഗിക്കുന്നതിലൂടെ ഹമദ് തുറമുഖത്തില്‍ നിന്നുള്ള കാര്‍ബണ്‍ ബഹിര്‍ഗമനം കുറയ്ക്കാന്‍ സഹായിക്കും. കൂടാതെ പൊതുഗതാഗത മേഖലയില്‍ വൈദ്യുത വാഹനങ്ങള്‍ ഉപയോഗിക്കാനുള്ള ഖത്തറിന്റെ അഭിലാഷത്തിന് പിന്തുണ കൂടിയാകും ഇത്.
ചൂടുള്ള കാലാവസ്ഥയിലും പ്രവര്‍ത്തിക്കാന്‍ കഴിയുന്നതാണ് ഈ വാഹനങ്ങള്‍. ഖത്തറില്‍ വേനല്‍ക്കാലത്ത് താപനില 50 ഡിഗ്രി സെല്‍ഷ്യസ് വരെ ഉയരുന്നതിനാല്‍ ഇത്തരം വാഹനങ്ങളാണ് അനുയോജ്യം.
ന്യൂസ്‌റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക: Click Here to Send Message
ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.
