Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ലോകകപ്പ് യോഗ്യതാ മത്സരം, ഖത്തറും ഒമാനും ഇന്ന് നേർക്കുനേർ,ദോഹ മെട്രോ സമയം നീട്ടി

October 15, 2019

October 15, 2019

ദോഹ: ഫിഫ ലോകകപ്പ് - ഏഷ്യന്‍ കപ്പ് യോഗ്യതാ മത്സരത്തിൽ ഇന്ന് ഖത്തറും ഒമാനും ഏറ്റുമുട്ടും. ഇന്ന് രാത്രി 7.30 ന് വക്രയിലെ അൽ ജനൂബ് സ്റ്റേഡിയത്തിലാണ് മത്സരം നടക്കുക.ഇതുവരെ രണ്ടു കളികളിൽ ജയിച്ചു കയറിയാണ് ഒമാൻ ഏഷ്യൻ ജേതാക്കളായ ഖത്തറിനെ നേരിടാൻ ഒരുങ്ങുന്നത്. പരാജയം നേരിട്ടിട്ടില്ലാത്ത ഖത്തർ ഇന്ത്യയുമായി സമനിലയിൽ പിരിഞ്ഞിരുന്നു.

അതേസമയം, ആദ്യ വിജയം ലക്ഷ്യമിട്ട് ഇന്ത്യ ഇന്ന് ബംഗ്ലാദേശിനെ നേരിടും. കൊല്‍ക്കത്ത സാള്‍ട്ട് ലെയ്ക്ക് സ്റ്റേഡിയത്തിലാണ് മത്സരം.യോഗ്യതാ റൌണ്ടിലെ ഇന്ത്യയുടെ മുന്നാമത്തെ മത്സരമാണിത്. ആദ്യ മത്സരത്തില്‍ ഒമാനോട് പരാ‍ജയം ഏറ്റുവാങ്ങിയ ഇന്ത്യ രണ്ടാം മത്സരത്തില്‍ ഏഷ്യന്‍ ചാമ്പ്യന്മാരായ ഖത്തറിനെ സമനിലയില്‍ തളച്ചിരുന്നു.പരുക്ക് മാറിയ ക്യാപ്റ്റന്‍ സുനില്‍ ഛേത്രി തിരിച്ചെത്തുമെങ്കിലും സന്ദേശ് ജിംഗാൻ പരിക്കേറ്റ് പിന്മാറിയത് ഇന്ത്യക്ക് തിരിച്ചടിയായി മാറിയേക്കാം.

ദോഹ മെട്രോ രാത്രി വൈകിയും സർവീസ് നടത്തും

ഒമാനും ഖത്തറും തമ്മിലുള്ള മത്സരം കാണാൻ ഫുട്‌ബോള്‍ ആരാധകർക്ക് ദോഹ മെട്രോ സൗകര്യം ഒരുക്കുന്നു.ഇതിനായി സാധാരണയുള്ള സർവീസ് സമയത്തിൽ ഇന്ന് മാറ്റം വരുത്തിയിട്ടുണ്ട്. ഇത് പ്രകാരം ഇന്ന് അര്‍ധരാത്രി 12 മണിക്കായിരിക്കും അല്‍വക്രയില്‍ നിന്നുള്ള അവസാന മെട്രോ ട്രെയിന്‍ യാത്ര തിരിക്കുകയെന്ന് ഖത്തര്‍ റെയില്‍ ട്വീറ്റ് ചെയ്തു. മത്സരം തീരുന്ന 9.30 മുതല്‍ യാത്രക്കാര്‍ക്ക് മെട്രോയില്‍ പ്രവേശനം അനുവദിക്കും.ദോഹയിൽ നിന്നുള്ള കളിയാരാധകർക്ക് കളി കാണാനും തിരിച്ചുവരാനുമുള്ള സൗകര്യം കണക്കിലെടുത്താണ് സമയത്തിൽ മാറ്റം വരുത്തിയത് 

അല്‍വക്ര സ്‌റ്റേഷനും ജനൂബ് സ്‌റ്റേഡിയത്തിനുമിടയില്‍ ആരാധകര്‍ക്കായി കൂടുതല്‍ ഗതാഗത സൗകര്യമൊരുക്കി ഷട്ടില്‍ ബസ് സര്‍വീസും നടത്തും. ബസ് സര്‍വീസ് സമയം:

അല്‍വക്രയില്‍നിന്ന് ജനൂബ് സ്റ്റേഡിയത്തിലേക്കുള്ള ബസുകളുടെ സമയക്രമം : വൈകിട്ട് 5, 5.30, 6, 6.30, 6.40, 6.50, 7, 7.10, 7.20, 7.30, 7.40, 7.50.
സ്റ്റേഡിയത്തില്‍നിന്ന് മെട്രോ സ്റ്റേഷനിലേക്ക്: രാത്രി 9.25, 9.35, 9.45, 9.55.


Latest Related News