August 14, 2020
August 14, 2020
ദോഹ: പേള്‍ ഖത്തറിലെ കൃത്രിമ തടാകത്തില്‍ സ്വദേശിയായ പിതാവും മകനും മുങ്ങിമരിച്ചു. വ്യാഴാഴ്ച്ച രാത്രിയായിരുന്നു അപകടം. തടാകത്തിന്റെ കരയില്‍ കളിക്കുകയായിരുന്ന കുട്ടി കാല്‍വഴുതി വെള്ളത്തിലേക്ക് വീഴുകയായിരുന്നു. തുടർന്ന് മകനെ രക്ഷിക്കാൻ രക്ഷിക്കാന്‍ ശ്രമിച്ച പിതാവും അപകടത്തില്‍പ്പെടുകയായിരുന്നുവെന്ന് ദൃക്‌സാക്ഷികളെ ഉദ്ധരിച്ചു പ്രാദേശിക പത്രം റിപ്പോർട്ട് ചെയ്തു.
സിവില്‍ ഡിഫന്‍സ് വിഭാഗം സംഭവ സ്ഥലത്തെത്തി തുടർപ്രവർത്തനങ്ങൾക്ക് നേതൃത്വം നൽകി. അപകടത്തിൽ പേള്‍ ഖത്തറിന്റെ നടത്തിപ്പുകാരായ യുനൈറ്റഡ് ഡവലപ്‌മെന്‌റ് കമ്പനി ട്വിറ്ററില്‍ അനുശോചനം അറിയിച്ചു.മരിച്ച വ്യക്തികളുടെ പേര് വിവരങ്ങൾ ലഭ്യമല്ല.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും വാട്സ്ആപ്പിൽ മുടങ്ങാതെ ലഭിക്കാൻ ഈ ലിങ്കിൽ ചേരുക
