June 03, 2021
June 03, 2021
വാഷിംഗ്ടൺ : ഫലസ്തീൻ അനുകൂല ഉള്ളടക്കങ്ങൾ അടിച്ചമർത്തുകയും ഇസ്രായേൽ അനുകൂല പോസ്റ്റുകൾ പ്രോത്സാഹിപ്പിക്കുകയും ചെയ്യുന്ന ഫെയ്‌സ്ബുക്കിന്റെ പക്ഷപാത നിലപാടിൽ പ്രതിഷേധിച്ച് ജീവനക്കാർ കമ്പനി മേധാവിക്ക് തുറന്ന കത്തെഴുതി.200 ഓളം ജീവനക്കാരാണ് പ്രതിഷേധവുമായി രംഗത്തെത്തിയത്.
കഴിഞ്ഞ മാസം 253 ഫലസ്തീനികൾ കൊല്ലപ്പെട്ട ഇടയാക്കിയ ഇസ്രായേൽ ആക്രമണത്തിനു പിന്നാലെയാണ് കമ്പനിയുടെ ഏകപക്ഷീയ നിലപാടുകൾക്കെതിരെ ജീവനക്കാർ രംഗത്തെത്തിയത്.ഫലസ്തീൻ അനുകൂല ശബ്ദങ്ങളെ സമൂഹമാധ്യമ ഭീമനായ ഫെയ്‌സ്ബുക്ക് അടിച്ചമർത്തുന്നുവെന്നാണ് കത്തിലെ ഉള്ളടക്കം.വിഷയത്തിൽ നേരത്തെ ഫെയ്‌സ്ബുക്ക് കടുത്ത വിമർശനം നേരിട്ടിരുന്നു.
ഫലസ്തീൻ അനുകൂല ഉള്ളടക്കം അന്യായമായി എടുത്തുമാറ്റുകയോ അവഗണിക്കുകയോ ചെയ്യുന്നില്ലെന്ന് ഉറപ്പാക്കാൻ പുതിയ സംവിധാനം ഒരുക്കണമെന്ന് ജീവനക്കാർ കത്തിൽ ആവശ്യപ്പെട്ടു.
