September 14, 2019
September 14, 2019
ന്യൂഡൽഹി : രാജ്യത്ത് പണപ്പെരുപ്പം നിയന്ത്രണ വിധേയമാണെന്ന് കേന്ദ്ര ധനമന്ത്രി വാർത്താ സമ്മേളനത്തിൽ അറിയിച്ചു. രാജ്യത്ത് സാമ്പത്തിക മാന്ദ്യം രൂക്ഷമായി തുടരുന്നതിനിടെയാണ് ധനമന്ത്രി ഇന്ന് പ്രത്യേകം വാർത്താ സമ്മേളനം വിളിച്ചു ചേർത്തത്.
പണപ്പെരുപ്പം നാല് ശതമാനമായി നിലനിർത്താൻ കഴിഞ്ഞിട്ടുണ്ട്.നിക്ഷേപ നിരക്ക് കൂട്ടിയുട്ടുണ്ടെന്നും സാമ്പത്തിക മേഖല ശക്തിപ്പെടുകയാണെന്നും മന്ത്രി പറഞ്ഞു. നികുതി പരിഷ്കരണ നടപടികൾ ഉടൻ പ്രഖ്യാപിക്കും.ഈ മാസം 19 ന് പൊതുമേഖലാ ബാങ്ക് മേധാവികളുമായി ചർച്ച നടത്തും.കയറ്റുമതിക്ക് വായ്പ നൽകുന്ന ബാങ്കുകൾക്ക് ഇൻഷുറൻസ് പരിരക്ഷ നൽകും.ദുബായ് ഷോപ്പിംഗ് മാതൃകയിൽ രാജ്യത്ത് മെഗാ ഷോപ്പിംഗ് ഫെസ്റ്റിവൽ സംഘടിപ്പിക്കുമെന്നും ധനമന്ത്രി കൂട്ടിച്ചേർത്തു.
പാർപ്പിട മേഖലയിൽ കൂടുതല് ഇളവുകൾ പ്രഖ്യാപിച്ചിട്ടുണ്ട്.പാര്പ്പിട നിര്മ്മാണ പദ്ധതികളുടെ സുഗമമായ നടത്തിപ്പിനും പൂര്ത്തീകരണത്തിനുമായി ഏകജാലകസംവിധാനം നടപ്പാക്കുമെന്നും മന്ത്രി പറഞ്ഞു.ഇതിനായി 10,000 കോടി രൂപ നീക്കിവെക്കും. മുടങ്ങി കിടക്കുന്ന ചെറുകിട പാർപ്പിട പദ്ധതികളെ ഇത് സഹായിക്കും.വീട് പൂർത്തിയാക്കാൻ പണമില്ലാത്തവർക്ക് ഈ സംവിധാനം വഴി പണം സമാഹരിക്കാനാവുമെന്നും നിർമലാ സീതാരാമൻ പറഞ്ഞു.