October 22, 2019
October 22, 2019
ദോഹ : 2019 ഡിസംബറിൽ ഖത്തറിൽ നടക്കാനിരിക്കുന്ന ഫിഫ ക്ലബ് ലോകകപ്പിനുള്ള ടിക്കറ്റ് വില്പനആരംഭിച്ചു.ചൊവ്വാഴ്ച ഉച്ചയ്ക്ക് രണ്ടു മണിയോടെയാണ് ടിക്കറ്റ് വില്പനക്ക് തുടക്കമായത്. ഡിസംബർ 11 മുതൽ 21 വരെയാണ് ടൂര്ണമെന്റ് നടക്കുക.വിസ കാര്ഡുള്ളവര്ക്കുള്ള പ്രീ സെയില് ഒക്ടോബര് 22 മുതല് 31
വരെ തുടരും. നവംബര് 14 മുതല് പൊതുജനങ്ങള്ക്കു ടിക്കറ്റുകൾ നൽകി തുടങ്ങും.ഡിസംബര് 21 വരെ തുടരും. ആദ്യം ബുക്ക് ചെയ്യുന്നവര്ക്ക് ആദ്യം ടിക്കറ്റ് എന്ന രീതിയിലാണ് ഈ ഘട്ടത്തില് വില്പന നടക്കുക.
ആദ്യറൗണ്ട് മുതൽ അഞ്ചാം ഘട്ട മത്സരങ്ങൾ വരെ കാറ്റഗറി ഒന്നിൽ 100 റിയാലും കാറ്റഗറി രണ്ടിൽ 50 റിയാലും കാറ്റഗറി മൂന്നിൽ 25 റിയാലുമാണ് ടിക്കറ്റ് നിരക്ക്. സെക്കൻഡ് സെമി ഫൈനൽ മത്സരങ്ങൾ കാണാൻ ഇത് യഥാക്രമം 300 റിയാലും
150 റിയാലും 75 റിയാലുമായി ഉയരും. കലാശപ്പോരാട്ടത്തിന് 400 റിയാലും 200 റിയാലും 100 റിയാലുമായിരിക്കും നിരക്കുകൾ.കുട്ടികള്ക്കും മുതിര്ന്നവര്ക്കും പ്രായഭേദമന്യേ ടിക്കറ്റ് നിരക്കില് വ്യത്യാസമില്ല. ഫിഫ വെബ്സൈറ്റ് വഴി ടിക്കറ്റ് ബുക്ക് ചെയ്യുന്നവര്ക്ക് ഓൺലൈൻ വഴി
ഇ-ടിക്കറ്റുകളാണ് ലഭിക്കുക.തുടര്ന്ന് ഇതിന്റെ പ്രിന്റ് എടുത്താണ് സ്റ്റേഡിയത്തില് എത്തേണ്ടത്.