April 07, 2021
April 07, 2021
കണ്ണൂര്: സിപിഎം മുന് ജില്ലാ സെക്രട്ടറി പി. ജയരാജന്റെ മകന് ജയിന് രാജിന്റെ ഫേസ്ബുക്ക് പോസ്റ്റ് വിവാദത്തില്. വിവാദമായത് മൂന്ന് മണിക്കൂര് മുന് പോസ്റ്റ് ചെയ്ത 'ഇരന്ന് വാങ്ങുന്നത് ശീലമായിപ്പോയി' എന്ന ഒറ്റവരി പോസ്റ്റാണ്.
മുസ്ലിം ലീഗ് പ്രവര്ത്തകന് മന്സൂറിന്റെ കൊലപാതകത്തിന് പിന്നാലെയുള്ള ഫേസ്ബുക്ക് പോസ്റ്റിനെതിരെ വ്യാപക പ്രതിഷേധമാണ് ഉയരുന്നത്. കൂടാതെ നിരവധി പേരാണ് ജയിന്റെ പോസ്റ്റിനോട് പ്രതികരിച്ചത്. കൊലപാതകത്തെ അനുകൂലിച്ചും പ്രതികൂലിച്ചും പോസ്റ്റിന് താഴെ നിരവധി പേരാണ് കമന്റിട്ടിരിക്കുന്നത്.
മന്സൂര് കൊല്ലപ്പെട്ടതുമായി ബന്ധപ്പെട്ട് സിപിഎം പ്രവർത്തകർക്കെതിരെ കൂടുതൽ തെളിവുകൾ നേരത്തെ പുറത്തുവന്നിരുന്നു.ലീഗ് പ്രവർത്തകർക്ക് മുന്നറിയിപ്പ് നൽകുന്ന തരത്തിലുള്ള വാട്സ്ആപ്പ് സ്റ്റാറ്റസാണ് പുറത്തുവന്നത്. ' ഈ ദിവസം ലീഗുകാർ വർഷങ്ങളോളം ഓർത്തുവയ്ക്കും, ഉറപ്പ്' - ഇതായിരുന്നു ഒരു ഡിവൈഎഫ്ഐ പ്രവർത്തകന്റെ സ്റ്റാറ്റസ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക