July 13, 2020
July 13, 2020
ദുബായ് : ദുബായിലെ അൽ ഖിസൈസിൽ റസ്റ്ററന്റിൽ വൻ സ്ഫോടനം.റെസ്റ്റോറന്റിലെ പാചകവാതകം ചോർന്നാണ് അപകടമുണ്ടായതെന്ന് ദുബായ് പോലീസ് അറിയിച്ചു. തിങ്കളാഴ്ച പുലർച്ചെ നാല് മണിയോടെയാണ് അപകടമുണ്ടായതെന്ന് അൽ ഖിസൈസ് പോലീസ് സ്റ്റേഷനിലെ ഡെപ്യുട്ടി ഡയറക്റ്റർ ബ്രിഗേഡിയർ അബ്ദുൽ ഹലീം അൽ ഹാഷിമി പറഞ്ഞു.
അപകടത്തിൽ റെസ്റ്റോറന്റിന് സമീപമുള്ള ബ്യുട്ടി സലൂണും ഫാർമസിയും മൂന്നു കാറുകളും പൂർണമായും തകർന്നു.ആർക്കും പരിക്കേറ്റിട്ടില്ലെന്നും പോലീസ് അറിയിച്ചു. റെസ്റ്റോറന്റും സമീപത്തെ മറ്റു സ്ഥാപനങ്ങളും അടഞ്ഞുകിടന്ന സമയമായതിനാൽ വൻ ദുരന്തം ഒഴിവായി.കെട്ടിടത്തിലെ മുഴുവൻ താമസക്കാരെയും മണിക്കൂറുകൾക്കകം ഒഴിപ്പിച്ചതായും പോലീസ് അറിയിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക