January 20, 2021
January 20, 2021
അബുദാബി: യു.എ.ഇയുടെ ഫ്‌ളാഗ് കാരിയര്‍ എയര്‍ലൈനായ ഇത്തിഹാദ് എയര്‍വെയ്‌സ് ഖത്തറിലേക്കുള്ള വിമാന സര്‍വ്വീസുകള്‍ അടുത്ത മാസം പുനരാരംഭിക്കും. ഫെബ്രുവരി 15 മുതല്‍ അബുദാബിയില്‍ നിന്ന് ദോഹയിലേക്കുള്ള സര്‍വ്വീസുകള്‍ വീണ്ടും തുടങ്ങുമെന്ന് ഇത്തിഹാദ് എയര്‍വെയ്‌സ് അറിയിച്ചു.
എയര്‍ബസ് എ 320, ബോയിങ് 787-9 ഡ്രീം ലൈനര്‍ എന്നീ വിമാനങ്ങള്‍ ഉപയോഗിച്ചാണ് സര്‍വ്വീസുകള്‍ ഇത്തിഹാദ് ദോഹയിലേക്കുള്ള സര്‍വ്വീസുകള്‍ നടത്തുക.
'യു.എ.ഇയും ഖത്തറും തമ്മിലുള്ള ബന്ധം പുനഃസ്ഥാപിച്ചതോടെ രണ്ട് തലസ്ഥാനങ്ങള്‍ക്കുമിടയിലെ വിമാന സര്‍വ്വീസുകള്‍ പുനരാരംഭിക്കുകയാണ്. ഇത് രണ്ട് രാജ്യങ്ങളിലെയും വ്യാപാരത്തിന്റെയും ടൂറിസത്തിന്റെയും വളര്‍ച്ചയെയും സഹായിക്കും.' -ഇത്തിഹാദ് ഏവിയേഷന്‍ ഗ്രൂപ്പിന്റെ സീനിയര്‍ വൈസ് പ്രസിഡന്റ് (ഗ്ലോബല്‍ സെയില്‍സ് ആന്‍ഡ് കാര്‍ഗോ) മാര്‍ട്ടിന്‍ ഡ്രൂ പറഞ്ഞു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
