September 27, 2019
September 27, 2019
നേരത്തെ തുര്ക്കിയും പാകിസ്ഥാനും ചേര്ന്ന് യുഎന് ആസ്ഥാനത്ത് ഇസ്ലാമോഫോബിയക്കും വിദ്വേഷ പ്രചരണത്തിനുമെതിരെ സംഘടിപ്പിച്ച പരിപാടിയില് ഖാന് സംസാരിച്ചിരുന്നു
കറാച്ചി : ഇസ്ലാമോഫോബിയക്കെതിരെ പാകിസ്ഥാനും തുര്ക്കിയും മലേഷ്യയും ചേര്ന്ന് പുതിയ ഇംഗ്ലീഷ് ടെലിവിഷൻ ചാനല് ആരംഭിക്കുന്നു.പാക്കിസ്ഥാൻ പ്രധാനമന്ത്രി ഇമ്രാന് ഖാനാണ് ഇക്കാര്യം അറിയിച്ചത്. ഇതുമായി ബന്ധപ്പെട്ട് തുര്ക്കി പ്രസിഡന്റ് റജബ് ത്വയ്യിബ് എര്ദോഗനുമായും മലേഷ്യന് പ്രധാനമന്ത്രി മഹാതിര് മഹമൂദുമായും താന് കൂടിക്കാഴ്ച നടത്തിയതായും ഇമ്രാന് ഖാന് ഐക്യരാഷ്ട്ര സഭയുടെ ജനറല് അസംബ്ലി മീറ്റിംഗിന് ശേഷം ട്വീറ്റ് ചെയ്തു.
'ഇസ്ലാമോഫോബിയ ഉയര്ത്തുന്ന വെല്ലുവിളികള് ചൂണ്ടിക്കാട്ടുന്നതിന് ഒരു ഇംഗ്ലീഷ് ചാനല് തുടങ്ങുന്നതിനുള്ള ചര്ച്ച ഇന്ന് ഞാനും പ്രസിഡന്റ് എര്ദോഗനും പ്രധാനമന്ത്രി മഹാതിറും ചേര്ന്ന് നടത്തി' എന്നായിരുന്നു ഖാന്റെ ട്വീറ്റ്. മുസ്ലിംകൾക്ക് ഒരു മാധ്യമ ഇടം നല്കാന് ഈ ചാനല് സഹായിക്കുമെന്നും ഖാന് കൂട്ടിച്ചേര്ത്തു. മുസ്ലിംകളെക്കുറിച്ചുള്ള തെറ്റിദ്ധാരണകള് മാറ്റാനും ലോകത്തെയും ഇസ്ലാം മതവിശ്വാസികളെയും മുസ്ലിം ചരിത്രത്തെക്കുറിച്ച് പഠിപ്പിക്കാന് സഹായിക്കുന്ന സിനിമകളും സീരീസുകളും നിര്മ്മിക്കുകയും ചെയ്യും.
നേരത്തെ തുര്ക്കിയും പാകിസ്ഥാനും ചേര്ന്ന് യുഎന് ആസ്ഥാനത്ത് ഇസ്ലാമോഫോബിയക്കും വിദ്വേഷ പ്രചരണത്തിനുമെതിരെ സംഘടിപ്പിച്ച പരിപാടിയില് ഖാന് സംസാരിച്ചിരുന്നു. ഇസ്ലാമിനെ ഭീകരവാദവുമായി താരതമ്യം ചെയ്യാനുള്ള ശ്രമങ്ങള് എതിര്ക്കപ്പെടേണ്ടതാണെന്നും പാക് പ്രധാനമന്ത്രി കൂട്ടിച്ചേര്ത്തു.