Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
വിദേശകാര്യ മന്ത്രാലയം ഔദ്യോഗിക വക്താവ് ലുൽവ അൽ ഖാതിറിനെ ഖത്തർ വിദേശകാര്യ സഹമന്ത്രിയായി നിയമിച്ചു 

December 01, 2019

December 01, 2019

ദോഹ : ഖത്തർ വിദേശകാര്യ മന്ത്രാലയം ഔദ്യോഗിക വക്താവ് ലുൽവ ബിൻത് റാഷിദ് അൽ ഖാതിറിനെ ഖത്തർ വിദേശകാര്യ സഹമന്ത്രിയായി നിയമിച്ചു. ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയാണ് ഇന്ന് ഇതുസംബന്ധിച്ച ഔദ്യോഗിക ഉത്തരവ് പുറപ്പെടുവിച്ചത്. ഔദ്യോഗിക ഉത്തരവ് ഗസറ്റിൽ പ്രസിദ്ധീകരിക്കുന്നതോടെ വിദേശകാര്യ സഹമന്ത്രിയായി ചുമതലയേൽക്കും. ഇതോടൊപ്പം,വിദേശകാര്യ മന്ത്രാലയത്തിന്റെ ഔദ്യോഗിക വക്താവെന്ന പദവിയിലും ലുൽവ അൽ ഖാതിർ തന്നെ തുടരും. പുതിയ നിയമനത്തെ വിദേശകാര്യ മന്ത്രിയും ഉപപ്രധാനമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൽ റഹിമാൻ അൽതാനി സ്വാഗതം ചെയ്തു.

'ലുൽവ അൽ ഖാതിറിനെ ഞാൻ അഭിനന്ദിക്കുന്നു. വിദേശകാര്യ മന്ത്രാലയത്തിന്റെ ഔദ്യോഗിക വക്താവെന്ന നിലയിൽ മികവ് തെളിയിക്കുകയും അമീറിന്റെ വിശ്വാസം നേടുകയും ചെയ്ത ഖത്തരി വനിതയായ സഹോദരി ലുൽവ അൽ ഖാതിറിനെ വിദേശകാര്യ സഹമന്ത്രിയായി നിയമിച്ചതിൽ ഞങ്ങൾ അഭിമാനിക്കുന്നു. ഞങ്ങളുടെ പ്രിയപ്പെട്ട രാജ്യത്തിന് വേണ്ടി സേവനം ചെയ്യാൻ അവർക്ക് വിജയാശംസകൾ നേരുന്നു.' ഷെയ്ഖ് മുഹമ്മദ് ബിൻ അബ്ദുൽ റഹിമാൻ അൽതാനി ട്വിറ്ററിൽ കുറിച്ചു.

2017 ലാണ് ലുൽവാ അൽ ഖാതിർ ഖത്തർ വിദേശകാര്യ മന്ത്രാലയത്തിന്റെ ഔദ്യോഗിക വക്താവായി ചുമതലയേറ്റത്. ഖത്തർ ടൂറിസം അതോറിറ്റിയുടെ പ്ലാനിങ് ആൻഡ് ക്വാളിറ്റി വിഭാഗം ഡയറക്റ്ററായും ഖത്തർ ഫൗണ്ടേഷനിൽ റിസർച്ച് പ്രോജക്റ്റ് മാനേജരായും സേവനമനുഷ്ഠിച്ചിട്ടുണ്ട്. ഓക്സ്ഫോർഡ് സർവകലാശാലയിലായിരുന്നു വിദ്യാഭ്യാസം.


Latest Related News