November 12, 2020
November 12, 2020
കുവൈത്ത് സിറ്റി : കുവൈത്തില്‍ നേരിയ ഭൂചലനം അനുഭവപ്പെട്ടു. റിക്ടര്‍ സ്കെയിലില്‍ 4.5 മാഗ്നിറ്റ്യൂഡ് രേഖപ്പെടുത്തിയ ഭൂചലനമാണ് അനുഭവപ്പെട്ടത്. അഹ്മദി, ജഹ്റ, ഫഹാഹീല്‍, മംഗഫ്, വഫ്ര, റിഖ, ഫര്‍വാനിയ, സബാഹ് അല്‍ സാലിം, സാല്‍മിയ, ഹവല്ലി എന്നീ ഭാഗങ്ങളിലാണ് കുവൈത്ത് സമയം ബുധനാഴ്ച വൈകീട്ട് 5.56ന് ഭൂചലനം അനുഭവപ്പെട്ടത്. അത്യാഹിതങ്ങളോന്നും റിപ്പോര്‍ട്ട് ചെയ്തിട്ടില്ല. ആശങ്കക്ക് വകയില്ലെന്ന് കുവൈത്ത് ഇന്‍സ്റ്റിറ്റ്യൂട്ട് ഫോര്‍ സയന്‍റിഫിക് റിസേര്‍ച്ച്‌ അറിയിച്ചു. ഏതെങ്കിലും തരത്തിലുള്ള നാശനഷ്ടങ്ങളെക്കുറിച്ച്‌ വിവരം ലഭിച്ചാല്‍ 112, 1804000 എന്നീ നമ്പറുകളിൽ വിളിച്ചറിയിക്കണമെന്ന് അധികൃതര്‍ ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
