December 08, 2020
December 08, 2020
ദുബൈ: ദുബായിലെ പാം ജുമൈറയില് രണ്ട് ജെറ്റ് സ്കീകള് കൂട്ടിയിടിച്ച് ഒരാള് മരിച്ചു. ഗുരുതര പരിക്കേറ്റ മറ്റൊരാള്ക്ക് ചികിത്സ ലഭ്യമാക്കിയതായും പൊലീസ് സ്ഥിരീകരിച്ചു. അപകടത്തില്പെട്ടവരുടെ പൂര്ണ വിവരങ്ങള് പൊലീസ് പുറത്തുവിട്ടിട്ടില്ല.
അശ്രദ്ധ കാരണമാണ് വാട്ടര് സ്കൂട്ടറുകള് കൂട്ടിയിടിച്ച് അപകടമുണ്ടാവാൻ കാരണമെന്ന് ദുബായ് പോര്ട്ട് പൊലീസ് സെന്റര് ഡയറക്ടര് കേണല് സയീദ് അല് മദാനി പറഞ്ഞു.
സമുദ്ര സുരക്ഷാ മാര്ഗനിര്ദേശങ്ങള് പാലിക്കണമെന്നും വാഹനങ്ങള്ക്കിടയില് മതിയായ അകലം പാലിച്ച് മാത്രമേ വേഗം വര്ധിപ്പിക്കാവൂയെന്നും വേഗപരിധി പാലിക്കണമെന്നും അദ്ദേഹം വിനോദസഞ്ചാരികളോട് ആവശ്യപ്പെട്ടു.അശ്രദ്ധമായ റൈഡറുകള്ക്ക് നിയമപരമായ ഉത്തരവാദിത്തമുണ്ടാകുമെന്നും കേണല് സയീദ് മുന്നറിയിപ്പ് നല്കി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക