March 03, 2021
March 03, 2021
ദുബായ് : കണ്ണൂർ കൂത്തുപറമ്പിൽ ദുബായിലെ പ്രവാസി വ്യവസായിയും അൽ മദീന ഗ്രൂപ്പ് മേധാവിയുമായ പൊട്ടങ്കണ്ടി അബ്ദുല്ലയെ മുസ്ലിം ലീഗ് സ്ഥാനാർത്ഥിയാക്കാൻ നീക്കം നടക്കുന്നതായി സൂചന. കണ്ണൂർ ജില്ലയിലെ കടവത്തൂർ സ്വദേശിയായ അബ്ദുല്ല. ദുബായ് ആസ്ഥാനമായി പ്രവർത്തിക്കുന്ന അൽ മദീന ഗ്രൂപ്പിൻറെ ചെയർമാനാണ്.ഗ്രൂപ്പിന് കീഴിൽ നിരവധി ഹൈപ്പർ മാർക്കെറ്റുകളുണ്ട്. മുസ്ലിം ലിഗ് കൂത്ത്പറമ്പ് മണ്ഡലം പ്രസിഡന്റ് കൂടിയാണ് അദ്ദേഹം..
ജില്ലയിലെ ബി.ജെ.പി നേതാക്കൾ അടക്കം മറ്റു രാഷ്ട്രീയ നേതാക്കളുമായി അടുത്ത ബന്ധം പുലർത്തുന്ന അബ്ദുല്ലയെ സ്ഥാനാർത്ഥിയാക്കാൻ നേരത്തെ ശ്രമം നടത്തിയിരുന്നെങ്കിലും അദ്ദേഹം തയാറായിരുന്നില്ലെന്ന് സൂചനയുണ്ട്.എന്നാൽ പാണക്കാട് ഹൈദരലി ശിഹാബ് തങ്ങളുമായി ഇന്ന് നടത്തിയ ചർച്ചക്ക് ശേഷം സ്ഥാനാർത്ഥിയാകാൻ അദ്ദേഹം സമ്മതിച്ചതായാണ് ഇപ്പോൾ പുറത്തുവരുന്ന വിവരം.
മണ്ഡലത്തിലുള്ള സ്വാധീനം കണക്കിലെടുത്താണ് അബ്ദുള്ളയെ മത്സരിപ്പിക്കാൻ പാർട്ടി തീരുമാനിച്ചത്. ഖത്തറിൽ വ്യവസായിയാരുന്ന പാറക്കൽ അബ്ദുല്ല നിലവിൽ കുറ്റ്യാടി എം. എൽ.എയാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ പ്ളേസ്റ്റോറിൽ നിന്നും newsroom connect ആപ് ഡൗൺ ലോഡ് ചെയ്യുക
