January 09, 2021
January 09, 2021
ദോഹ : ഖത്തറിലെ പ്രമുഖ വ്യവസായിയും പൊതുപ്രവർത്തകനുമായ ഡോ.മോഹൻ തോമസിന് പ്രവാസി ഭാരതീയ സമ്മാൻ.വർഷങ്ങളായി ഖത്തറിൽ ഡോക്ടറായി സേവനമനുഷ്ഠിക്കുന്ന ഡോ.മോഹൻ തോമസ് ബിർള പബ്ലിക് സ്‌കൂൾ ഉൾപ്പെടെ നാട്ടിലും ഖത്തറിലുമായി നിരവധി വിദ്യാഭ്യാസ,വ്യവസായ സംരംഭങ്ങളുടെ ഉടമയും പങ്കാളിയുമാണ്. എറണാകുളം സ്വദേശിയാണ്. ദീർഘകാലമായി ഖത്തറിലെ പൊതു,സാമൂഹ്യ മണ്ഡലങ്ങളിൽ സജീവമായി ഇടപെടുന്ന അദ്ദേഹം ജീവകാരുണ്യ പ്രവർത്തകനെന്ന നിലയിൽ നിരവധി പേർക്ക് തുണയായിട്ടുണ്ട്. ഖത്തറിൽ കോവിഡ് മഹാമാരി പടർന്നുപിടിച്ച ഘട്ടത്തിൽ നിരവധി പേർക്കാണ് അദ്ദേഹം മരുന്നും മറ്റു സഹായങ്ങളും എത്തിച്ചത്.
കഴിഞ്ഞ ദിവസം ഖത്തറിലെ ഇന്ത്യൻ എംബസിയുടെ അപ്പെക്സ് ബോഡികളിലേക്ക് നടന്ന തെരഞ്ഞെടുപ്പിൽ അദ്ദേഹം ഇന്ത്യൻ സ്പോർട്സ് സെന്റർ അധ്യക്ഷ സ്ഥാനത്തേക്ക് തെരഞ്ഞെടുക്കപ്പെട്ടിരുന്നു.
ജിദ്ദയിലെ പ്രമുഖ പ്രവാസി വ്യവസായി ഡോ.സിദ്ധീഖ് അഹമ്മദ് ഉൾപെടെ മുപ്പതു പേർക്കാണ് ഇത്തവണ പുരസ്‌കാരം ലഭിച്ചത്.ഇറാം ഗ്രൂപ് എം.ടിയായ സിദ്ധീഖ് അഹമ്മദ് പാലക്കാട് ജില്ലയിലെ മങ്കര സ്വദേശിയാണ്.
ബഹ്‌റൈനിലെ സാമൂഹ്യ പ്രവർത്തകൻ ബാബുരാജൻ വാവ കല്ലൂപ്പറമ്പിലിനും പുരസ്‌കാരം ലഭിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
