November 07, 2019
November 07, 2019
മസ്കത്ത് : ഭക്ഷണം പാചകം ചെയ്യുമ്പോഴോ ചൂടുള്ള ഭക്ഷണം പൊതിയുന്നതിനോ അലുമിനിയം ഫോയിൽ ഒരു കാരണവശാലും ഉപയോഗിക്കരുതെന്ന് ഒമാൻ റീജിയണൽ മുനിസിപ്പാലിറ്റിസ് ആൻഡ് വാട്ടർ റിസോഴ്സ് മന്ത്രാലയം നിർദേശിച്ചു. രാജ്യത്തെ റസ്റ്റോറന്റുകൾ,കഫേകൾ,ഭക്ഷണം പാചകം ചെയ്തു വിതരണം ചെയ്യുന്ന മറ്റ് കേന്ദ്രങ്ങൾ എന്നിവർക്കാണ് അധികൃതർ ഇത് സംബന്ധിച്ച മുന്നറിയിപ്പ് നൽകിയത്. മീൻ,ഇറച്ചി എന്നിവ ചുടുന്നതിനും പൊതിയുന്നതിനും അലുമിനിയം ഫോയിൽ ഉപയോഗിക്കരുതെന്നാണ് നിർദേശം. ചൂടുള്ള ഭക്ഷ്യവസ്തുക്കൾ അലുമിനിയവുമായി ചേരുന്നത് കടുത്ത ആരോഗ്യ പ്രശ്നങ്ങൾക്ക് കാരണാമാകുമെന്നും അറിയിപ്പിൽ പറയുന്നുണ്ട്.