December 16, 2020
December 16, 2020
ദോഹ : 2030 ഏഷ്യൻ ഗെയിംസിന് ഖത്തർ വേദിയാകും. ഒമാനിൽ ചേർന്ന 45 മത് ഒളിമ്പിക് കൗൺസിൽ ഓഫ് ഏഷ്യ (ഓ.സി.എ) സമിതി യോഗത്തിൽ അംഗങ്ങൾ നറുക്കെടുപ്പിലാണ് ഏഷ്യയിലെ ഏറ്റവും വലിയ കായിക മാമാങ്കത്തിനുള്ള വേദിയായി വീണ്ടും ഖത്തറിനെ തെരഞ്ഞെടുത്തത്. ഒളിമ്പിക് കൗൺസിൽ ഓഫ് ഏഷ്യ ചെയർമാൻ ശൈഖ് അഹമദ് ഫഹദ് അൽ അഹ്മദ് ആണ് ആതിഥേയ രാജ്യത്തെ അന്തിമമായി പ്രഖ്യാപിച്ചത്. ഖത്തർ ഒളിമ്പിക് കമ്മറ്റി ചെയർമാൻ ശൈഖ് ജോആൻ ബിൻ ഹമദ് അൽതാനി,ഖത്തർ അത്‌ലറ്റിക് താരം മുഅതസ് ബർഷിം,നദ അരക്ജി തുടങ്ങിയവരാണ് ഖത്തറിനെ പ്രതിനിധീകരിച്ച് യോഗത്തിൽ പങ്കെടുത്തത്.ഖത്തറും സൗദിയും തമ്മിൽ നടന്ന വാശിയേറിയ മത്സരത്തിന് ശേഷമാണ് ഒടുവിൽ ഖത്തറിന് നറുക്ക് വീണത്.
ഇതിന് മുമ്പ് 2006 ൽ ഖത്തറിലാണ് ഏഷ്യൻ ഗെയിംസ് നടന്നത്.19-മത് ഏഷ്യൻ ഗെയിംസ് 2022 സെപ്റ്റംബർ 10 മുതൽ 25 വരെ കിഴക്കൻ ചൈനയിലെ ഹാങ്‌ഷുവിലും 20-മത് ഏഷ്യൻ ഗെയിംസ് 2026 സെപ്റ്റംബർ 19 മുതൽ ഒക്ടോബർ 4 വരെ ജപ്പാനിലെ ഐച്ചി-നാഗോയയിലും 2026 സെപ്റ്റംബർ 19 മുതൽ ഒക്ടോബർ 4 വരെ നടക്കും.
2022 ഫിഫ ലോകകപ്പിന് ശേഷം നടക്കുന്ന ഖത്തറിലെ ഏറ്റവും വലിയ കായികമേളയാവും 2030 ലെ ഏഷ്യൻ ഗെയിംസ്.
2030 ഏഷ്യൻ ഗെയിംസിനുള്ള ആതിഥേയത്വത്തിനായി ഖത്തറും സൗദിയുമാണ് അന്തിമ പട്ടികയിൽ ഉണ്ടായിരുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ :
TELEGRAM
FACEBOOK PAGE
https://www.facebook.com/newsroomme
